Darali Leli

Что нагадала гадалка 14 февраля

2012-02-27T15:07:00.001-08:00

Утоплюсь в пенной ванне с "Иднакаром". Потом пойду к Наде.
Она женщина, но это даже неплохо.
В музее мне нагадали, что будет духовное счастье.
А с ним только бури и страсти.
В вашей жизни появится человек, который вам будет дорог и близок.

Правда.

2012-02-27T15:06:00.001-08:00

Люди любят во мне трэш. Без него я никакая. Неинтересная, непривлекательная, неперспективная.

Ну и ладно. Любите меня. Ломайте меня. Ломайте меня полностью...

Ведра ву кисьти йыр вылаз!

2012-02-03T15:39:00.000-08:00

Кыче мон шузиииииии
кыче шузи)))))

Али гинэ берти барысь #бви. Уллязы монэ... Бабак кырмиз китим - но истерично кеськиз: "Вон!" А мон лач-лач гинэ верай: "Бен. Валасько. Мынисько!" Такси кути но берти. Нош потыкум ини кыче ке лапеггес брюнетка монэ пельпумтим дугдытиз но шуиз: "Девушка, у вас будут большие проблемы!" Бабаезлэн крышаез? Ха... "Извиниться не хотите?" "Извините, шуисько, я очень, очень, очень сожалею". Но поти. Куараез шиетиз на: "У вас будут проблемы с работой, сделаем все, чтобы вы тут не играли больше!" Ну или со выллем маке...

Шит хэппэнс... Али шуак валай, та мынам куинети бви-трэше ни шуыса. Ну уг яра ук озьы, Алёёёна! Блондинкаез палькки, террасаысь тэтчи... Тани Севалэн йыр вылаз ву ведра сэрпалти табере! Идиотка!

"Марадямитонтытше"... Кыче мусо гинэ жытмы кутске вал. Вуиз вазь, монэ кылзыны шуыса... Сыче мусо гинэ сылиз. Правда, вот сить-сюрприз эшшо: Имбирная вуэ но юа маке - верасько. Юасько Севалэсь, кытысь тодиськод тон Машаез? Моя бывшая, шуэ.

Да заебал! Котькытын тынад бывшойёсыд. Собственно, мон малы луыны кулэ покинутой несчастной адями? Ведь оз но жингырты арня куспын одиг пол но. Самой тунсыкоез, мон дась вал тачеезлы... А как же наш чудесный медляк??? А как же подарок, который ты хотел мне подарить? Разве все это фигня теперь? Подумаешь, ведра ву кисьти... Бар дорын мон верай: "Мон дыши ни, ми тонэн котьку люкиськиськом шуыса". Нош со вераз: "Ми ом но кутске на ай".

Собере жыт азинскиз, кин кытчы... Монэ буязы а-ля китайский новый год, лэсьтизы начёс, нош со та вакытэ благополучно юиз, юиз... Маша шуиз: "Мудак ук со, 1 арня ми соин ветлим". А мон польпоти гинэ... Собере нош, венгръёсын эктон куспам-а, диджейёсын вераськон вакытам-а, со ышиз - адзи на, тубат возын нылокен вераськиз (тодмотэм, лапег, кузь йырсиё). Собере воксё ой вал ни. Юра но оз тоды. И мае мон адзисько? 1-ти этажын, танцполын, сэргын, бар дорын - чупаськыса сылэ нылокеныз. Шузимыса сыче, вань сюлмысьтыз. Кызьы озьы луэ но даже - сокем яратыса чупаськыны кудзем йыр вылэ? И эшшо ик "бывшаяен"? (2 кузя бывшее туннэ - шуиз со). Соизлы гинэ пайми кадь.

Ааа, мозымт ваньмыз но огпорма! Али ик мае ке воштоно! - сыче малпанэ вал, куке, сумкаме кырмыса, мон вылие лобати. Отын ик, подсобкаосын, кыче ке тодьы 5литровой ведра вал - ведь мон улиысен ик валай ни, мар каро! со секундае ик - ку адзи соосты - интызэс адзыса но жог математика эсэплан лэсьтыса - молниеносно туалетысь ву вуияти но 2-ти этажысен танцполэ поти. Отын пичи сюрес вань - сцена доры - бар вадьсын со мынэ. Выж вылын пуко вал Бабак но Буров - валаса ик оз вуттэ...

Сыыыыльк! - пазьгиськиз вуэн ведра Сева но нылаш вылэ 2-ти этажысь... Ву пезьдиз бар вылэ, котыр калык вылэ, ведра трань-трань усиз йыр вылазы но палдиз кытчы ке бар стойка улэ... Эшшо 10 секунда пала шыпытлык - танцполын крезьгур шудэ, нош калленатэм съёмка кадь: Сева но нылаш ог-огзылэсь палэнско, паймыса котырак учко.... Наконец (киноын каллен кадь, потиз мыным) Сева йырзэ жутыны вал - но отын адзе монэ - мон кошкисько ни вал, но лаптиськи но киыным шонай: салам, мусое...

Собере - киос: кырмо монэ, нуо... "Что это было сейчас?! Что это было?! Вон!" Нырысети малпанэ: Гриша, нош тон валаны кулэ ук - мар со, куке гажанэд тонэ алда?" Ой вера - тау сазь йырылы. Обидно уга соиз - сазь ук! Сазь: воже потыса ой кары, кари, малы ке шуоно мозмыт, мозмыт, номыр но уг воштиськы шуыса...

Но шулдыр мыным, шулдыр - пичи пиналлы кадь. Экспансия. Шулдыр. Нош чуказе мар луоз, уг тодиськы....

Оло соин но кари, уго тодисько: солы кельшиз.

Яратон танго

2012-02-01T02:17:00.000-08:00

Эшшо одӥгез Выль ар эксперимент проект - Анна Плотниковалы гожтэм "Яратон танго". Артистка та кырӟанэз ӵем уг кырӟа ке но, 2011 Выль арлы дышетӥз!

Яратон танго

Кыл. Дарали Лелилэн

Адњи тонэколхоз клубын,

Пыкъяськыкудюбо борды.

Тынад чиль-сьќд мыйыкъёсыд –

Синмаськытћз быдэс тусыд!

Адњи тонэ лавка палан,

Ялан бергадсолань-талань.

Шат юромошедем маке –

Монэ вуттћд шуге-леке.

Припев:

Адњи тонэ – но синмаськи.

Ачим понћ лемлет очки.

Шорам учкид гинэ вылтћ –

Со учкемлэсь ик яратћ.

Адњи тонэ ферма палан,

Бордадпоръяз егит кунян.

Нош монмаин-о уродгес?

Вамыштоно айматэгес.

Адз:и тонэнюлэс кушын,

Сюлмам пыџаз вылез кужым.

Оло луотыныд мултэс,

Но вамыштоик матэгес.

Припев:

Адњи тонэ – но синмаськи.

Ачим понћ лемлет очки.

Шорам учкид гинэ вылтћ –

Со учкемлэсь ик яратћ.

Выль ар r'n'b - вордскымтэ кырӟан

2012-02-01T02:12:00.000-08:00

Куке ужаськод эстрада коллективын, тыршиськод мае ке выльзэ, тунсыкозэ лэсьтыны. Медам луы пась - удмурт арлыдо зритель но егит учкись вискын. Егитъёсты кысконо, выльзэ утчано. Та понна 2011-ти (!) Выль арлы малпам вал Выль ар аренби... Кырӟаны сое кулэ вал "Гербер" трио. Но... укыр туала потӥз, лэся. Яке кылъёссэ дышетэмзы ӧз поты!

Выльар аренби

Читка:

Куке тонэмон нырысьсэ адњи, соку ик валай,

Тынад потэ,мынам луэ, ойдо эктом ай, апай.

Салам тыныд,мусое,

Выль ар ваета вие!

Тыныд одноик кельшыны кулэ ваньмыз та уе.

Машинаен ми џошен

ВорттыломыАлнашын.

Куноятококтэйлен,

Њыгыръяло туж каллен.

Быдэс арзэадямиос возьматозы чиньыен.

Припев:

Выль айренби,

Выль арен!

Выль айренби ар,

Выль арен.

Выль айренби, выль айренби.

Выль арен, выль арен, выль арен!

Блюз:

Тонэ мон пумитай,

Тонэ мон яратћ,

Но тон понна кырњай

Выль айренби.

Тонэ мон пумитай,

Тонэ мон вунэтћ,

Али ке но йырам

Выль айренби!

Куплет,читка:

Таяз арынваньмыз кутскиз, таяз ик ортчиз.

Таяз арыняратонмы пќзиз ноуртчиз.

Эктон беретон ышид,

Быдэс арзэсии шыд,

Нош малпаса коктейльёстысюлэмы ик уг џыд.

Выль айренби,

Выль арен!

Выль айренби ар,

Выль арен.

Выль айренби, выль айренби.

Выль арен, выль арен, выль арен!

Тонэ мон пумитай,

Тонэ мон яратћ,

Но тон понна кырњай

Выль айренби.

Тонэ мон пумитай,

Тонэ мон вунэтћ,

Али ке но йырам

Выль аренби!

Рубрика: удмурт дизайнеръёс уг тырмо

2012-01-26T02:28:00.000-08:00

Уг тырмо удмурт дизайнеръёс, модельёс, мода удысысь ӧнерчиос, "глянец", удмурт продукт...
Модель - Эш Стаймест.

Надя ---> Portugal

2012-01-23T05:36:00.000-08:00

Рубрика Дунне Адями

Надежда Ефремова

Португалиын нокин уг дырты

Таяз сӥзьыл патермес Португалилэнкуншетэз чеберъяса улӥз: юнме гинэ ӧй вал та. Мыным отындышетскон семестрме ортчытыны удалтӥз: грант утыны быгатӥ.Та гожтэмам огинэ люканы тырши аслэсьтым суро-пожо тодэ ваёнъёсме – ваньзэ, марбугыртыны быгатӥз ненег удмурт пуштросме.

Кылем арын коньывуонэ ужкагаз вуиз:ивортизы, Португалилэн лымшорысьтыз огаз университетэ дышетскыны кутозы шуыса.Ярдуртэм Атлантика но Кристиано Рональдо порма пиосмуртъёс сярысь малпанъёс советскойшампанской выллем бичатӥзы!Зэмзэ вераса, та кун сярысь тодон-валанэ кема дыр ӵоже футбол но портвейн котыр сяна ӧз бергалэ. Вераны ик возьыт: оскиськовал, Португалия кытын ке Венесуэла но Колумбия вискын интыяськемын шуыса.

Озьы-а, тазьы-а, но тулыспалтолэзе Пулковоысь (Петербургын соку -30 градус кезьыт возиськиз) Фаро нимопичигес городэ ширтӥ. Шундыё толнуналэ выль улон интые пуштырскись розаосын но кузьгубей-ананас тусо пальмаосынпумитаз. Соку ик малпай: татчы пыраклы кылёно. Но таиз мукет мадёс.

Ворттылыны но дуннеез котыръянымон сюлмысьтым яратӥсько,малпасько, быгатӥсько но… Дышикадь малпанлы, Португалия – со Европа шуыса, нош дышоно вылэм на ай тросвылезлы. Авиакомпанилы луыса, багаже капчиен кытчы ке Германие чуказ, та сярысьшумпотыса ивортӥз Lost&Found леди – шуиз, жингыртоз. Та вал нырысетӥез тодматскон гань-гань португалсям-манерен. Та сям капчияк гинэ выже азьтэм луон шуонэ. Нош ананас выллемпальмаос йырсазез пожало… Мон гочай но выль улонэ зыми.

Уг мадьы емышо-чечымо но шунытпляжо шумпотонъёс сярысь – суредало Португалиез, кудӥз нимысьтыз пытьы кельтӥзудмурт сюлэмам. Ваньзэ валтэ огез – быдтонтэм-кысонтэм улонэз яратон но данъян,со вакытэ ик осконтэм гынтул сям но азьтэмъяськон. Нокин нокытчы уг дырты,португал этикетлэн вань дауръёсын пычам катъёсыз: отё ке тонэ куное, шуом, 9часлы, 10 часлэсь вазьгес нырдэ эн чуртна. Котькин но котьку бере кыле. Ношкинэ ке витён вакыт 10-15 пол кыӵеке пичильтык кофе-пастелярие пыраны вуттӥськод,юиськод дышем кофе-эспрессо. Кофе – со сюэз гылтон ӧвӧл, сокусып возён манер. Кафе усьтиськем бере ик мусо португал песянайёс интыяськоаръёсын асэстэм пуконъёсазы но, ымысьтызы тамаксэс куштытэк, быдэс нунал пукыныдась. Калык тамак кыске – ватӥськытэк,пафосэн но зэмзэ трос. Кемалась ик ӧвӧл тамак кыскись муртъёсты узыръёсчотын возизы, вань талэн престижез. Университетын озьы ик оломар быдӟа тамак кыскон азбар но эспрессоюонни радъямын, отын ик сур басьтыны луэ: студент но дышетись шугъяськытисьюанъёсты капчиен сэрттыны-пертчыны мед быгатозы.

Кема дышиськиз преподавательмылы:та кышномурт дотово яратӥз ӝӧк вылэ пуксьыса, тамак пурккетыса,гольтрес учыръёсты мадьылыны. Мыным, Россиысь макелы, сокем ик серем ӧй вал, но румынъёс но чехъёс тожовозьдаськизы. Португалъёс воксё но туж усьтэм сямоесь, туж ярато ӟыгыръяськыны но кыказ ик бамадчупаны, семьяысьтыд нокинэ но уг ке но тодо, салам ыстыны уг вунэто.

Португал кыл сярысь верано ке, сойӧспортэм. Малы ке ӵем малпалляй, со ӟуч ик шуыса – уродгес кылӥсько гинэ. Куддыр нош пӧлаз удмуртэз но сураськоз. «Vamos!» кылэз («вамош» -«ойдо» шуэм) ялан «вамыштыны» кыллэсь потэмын, кожалляй… Но таиз ини филологиысьмадёс. Кин тодэ, оло ӵемгес пельсьӧрам украин кыл чузъяськиз...Туж бадӟым диаспора поннаПортугалиын украин кылын нимысьтыз кык-куинь газет но потэ.

Университетын дышетскисез сяменмонэ огъяулонние интыязы. Со чылкак нылкышноос понна – но туж маскара, чибориё.Вылтус ласянь но: огъя улӥсьёсполысь 90 % - Кабо Вердэ шормуӵысь,Португалилэн азьвыл Африка колониысьтыз, вуэмъёс. Нылъёс ярато шара кырӟаны но эктыны, шулдыр пӧраськыны но учкыны бразил-португал«майтал операосты». Берен пичи дыре вуи кадь: Изабеллаос, Рикардоос но мукетсиньора но доннаос доры.

Нош Португалия – чебер шаер.Чебер со яркыт ворпо буёлъёсыныз. Океан ке со – котыртэ котькуд палась: тамузъем весяк кыӵе ке пляжлы матын.Сяськаос ке – оломар быдӟаесь,вайёс ик някырско, нош зынзы соослэн карамелен кынтэмлы кельшэ. Вань пӧсь городокъёс лымшор палан, пляжъёсотын песок дюнаосын шобыртэмын; пичи гуртъёс гурезьёс пӧлын выё, отын дасяло медроньо («узы писпулэсь» лэсьтэмаракы); синмальдымон городъёс – Лиссабон но Порто, туристъёсын ноавантюристъёсын тыр луо.

Португалъёс туж ярато юмшанъёстыно ӵем гинэ шулдыръяськыны мугшедьто. Тужгес ик студентъёс: ӝыныездышетскон ар пӧртэм карнавалъёсын,фиестаосын но мукет улон шумпотонъёсын ортче. Уг жаляло соос алкогользэс но:юон дыре нокин уг лыдъя, кӧнякиське гульымъёсы. Студент фестивальёсын котьку Горд кирослэн эмчиосыз дежуритькаро, соос соку ик дась выльысь улӟытыныпограм пияшъёсты но нылашъёсты. Тумошо соиз, португал калык туж оскись: соостодазы возё вань быдӟымнуналъёсты, пусъыны уг вунэто шулдыр юонэн но. Город тымиське пыжем сардина нокаштан зынэн… но ужтэк калгись силёёсын.

Паймытисез но шумпоттӥсез сярысь трос гинэ вераны луысал,дыр. Уно фотоос но выль эшъёс ортчем выжыкыл нуналъёс сярысь вунэтыны уг сёто.Нош Португалилэн тужгес но бадӟымкузьымез – со гань-гань дор шӧмно туж ӟеч, капчи мылкыдо кунопумитан мылкыд. Ӧвӧл татын пересь Европалэн пуштреспафосэз – трослы матынгес оло Балкан чиган лӧптонлы.Та пичи но шундыё шаер туж ӝоглуиз мыным матын, аслам доре кадь яратоно, но одӥгпол гинэ ӧй куты асме шуак малпанвылын: португал эшъёсыным шӧдтэкшорысь удмурт кылын вераськыны кутскисько.

Анна Плотникова сярысь

2012-01-23T03:37:00.000-08:00

Анна Плотниковаен ӵош "Шулдыр ӝыт" театрын ужаськом. Та гожтэмме шедьтӥ но, татчы интыяме потӥз... Гожтэмын ар талэсь азьло.
Дэмласько учкыны "Верую" киноез (2009 ар), та киноын Аня шудӥз.

Џукна монэ смс сайкатћз: «Шудо нунал кузьмаме потэ матысь адямиелы… Чырткем! Мынћськом-а туннэ магазинэ?»

Шуак луыса, ќй но вала, кин гожтэ. Ческыт уйвќт кожасько... Бќрысь валатски ни: туннэ филармониысь артисткаенымы Анна Плотниковаен басьяськыны мыныны вераським вылэм. 26-тћ толсуре эстрада кырњанъя «Шулдыр љыт» театренымы Выль ар шоу дасяськом. Та ужрад понна нимысьтыз сценарий гожтћ вал: Аня выль тусын, выль кырњанэн воректыны кулэ. Удмурт учкись понна со нимысьтыз дасяз… уг, уг вера, мае! Лушкем иворто гинэ: вуриськом тузћ костюм, соин ик басьтоно кильтрес лёготуфли.

Бадњым вузаськон юртын пќсь вылэм: учкисько но, Плотникова, дублёнказэ њус вылэ кельтыса, котыр катаос тырылэм ни – мертаськыса пуке. Синъёсыз пишто: выль образ утчан мылкыдзэ лќпкытэм, шќдске. Калык артистка шоры учкыны туж тунсыко: таиз туфли укыр чиндыр-вандыр – сцена вылысь лобњод, пе, мукетыз нош огшоры, Пазял тракттћ ветлымон… Таяз пыдчиньы гылње, соиз пыке. Шнурокен басьтоно ке, дэремен уз тупа. Усьтэмзэ быръёно ке, штанэн уз яра. Чилясьсэ – яке «замша» пормазэ? Вуриськисьёслы жингыртћськом: басьтэлэ, пе, сьќдзэ, чилясьтэмзэ.

Нап шунды сиос улын вамышъяса, мынћськом филармония пала – но мон озьы ас поннам малпаськисько… Туж потэ вылэм удмурт артистъёслы но пыџатэм кыџе ке шундыпуксён пал чеберлык валатонъёсты. Валамон ини, дуно бутикъёсысь октћськыны коньдон ќвќл, но йќно фасонъёсты но туала тенденциосты вузаськон юртъёсысь но шедьтыны луэ ук. Тунсыко: кытын меда дћсяське удмурт элита? Но мар со сыџе, удмурт элита? Утыр пальпотћсько: Плотникова маке лабыртэ сюресъёс сярысь. Утялтымтэ лымытћ колышъяськом. Вамышъяса ик жадиськиз…

«Милям Котныр поворотамы кќня пыдкутчанэ бабиз ини!» – чабкиське Аня. Малы, юасько, дэрие выйыса кылиз-а мар-а? Ќвќл, асфальт ќвќлэн, сюрес урдсы ваткалляй, но троссэ лушкаллязы, пе. Городын – одћг пыдкутчан, гуртын ветлыны – мукетыз: тракт дурын кельтэм тузћ туфлиос кќчылћзы… Плотниковалэн паймемез ымныраз ик гожтэмын: «Сокем-сокем вайёс улэ ваткалляй кадь но!».

«Вот бускель гуртъёс, њунняос, вылтћяськыны муг шедьтћзы – соослэн гуртсы шорын ик асфальт кошке уго» - ватса Анна. Соку ик тодам лыктэ Геннадий Ганьков, со уго Алнаш ёросысь Вуж Юмья гуртын вордскемын. Кызьы меда луэ со – кыџе ке быръем музъем вылысь сомында таланто адями потэ?

Аня мадемзэ азьланьтэ: «Ой, мон пичи дыръям шебутной вал. Пиосын шудћсько вал, йырсие но џышкемын, выжыяз. Одћг пол перемена дыръя урмыса ульчае потћм, эшеным писпу йылэ тубиськом: со тубе на ай, мон васькисько ини… Мыным одно ик џошатсконо, шебутнойлы. Вай борды кырмиськи но, соиз чигиз ук! Шлач! уси музъем вылэ. Эше куалектћз, сайкай ини, дышетћсьёсыз ќтемез бере…

Мукет дыръя РОНО-ос вуизы. Школаямы учительской ќй вал, перемена дыръя классын ик пукизы. Нош мон нокыџе кариськытэк партаос вылтћ бызьылћсько. Собере шыпыртэмзэс кылћ: «Со ныл-а, пи-а?» Мынам кќты љож луиз. Доразы мынћ но юасько: «Пиос дэремен ветло шат?»

Али Анна Плотниковаез син азям пуктћсько ке, со котьку кузь дэремен. Сцена вылэ эксэйкышно кадь потэ: тыбырыз шонер, кияз – баян. Но кулэ дыръяз та адями писпу йылэ но тубоз, оскисько!

Выль ар концертлы, 26-тћ толсуре но 7-тћ толшоре, Анна Плотникова дасяз нимысьтыз салам-сюрприз. Эксперимент кырњанэн сяна, со паймытоз тунсыко дћсеныз. Витём ини, мар Котнырысь калык артисткамы выльзэ дасям.

MALPAN. Специальное интервью для "Удмурт дунне" #udmurt kizilios (авторская редакция)

2012-01-12T13:13:00.000-08:00

Официальная публикация: "Удмурт дунне" газетын

Удмурт кизилиос:

«Малпан»группа

Соосегитэсь. Луэ-а соосты удмурт кизилиос ниманы? Одиг гинэ профессионал кырзаськоллектив – син азямы быдэ вуэм маке – туала шоу-бизнес катъёсъя пормытскись носинлы шумпоттон ваись. Нош матын-а та катъёс удмурт эстрадалы дышем учкисьлы?Макем удмурт учкись дась шоголь «малпанъёслы» - но валалоз-а АннаПлотниковалэн, Геннадий Ганьковлэн но Валентина Пудовалэн учкисез выльшомъёсты?

Лемлетмалпанысен - филармониозь

Эльвира Панченкоен, Светлана Ручкинаен ноНаталья Ушаковаен «Шулдыр жыт» театрын чош ужасько бере, таче юанъёслы валэктончем утчасько. Кызьы пыртыны удмурт сцена вылэ выль, туала мылкыд? Кызьы соеудмуртъёслы выжыятыны – учкисьмы консервативной, шуыны луоз. «Малпан» группа кылдиз2004-ти арын, чылкак егит нылашъёслэсь. Соку Марина Галичанина, лулчеберетъякивалтисьсы, Ижысь Октябрь ёросысь Нылпи творчествоя центрын ужаз, отысен икегит кырзасьёсты люказ. Солэсь тодон-валан басьтизы «Шунды» огазеяськонлэнкивалтисез Юлия Никитина, Снежана Эскендерова, Елена Севастьянова…Тужгес нокема дыр чоже группаын кырза ини Эльвира Панченко. 2005-ти арысен «Малпанын»жингрес куараеныз шумпоттэ Алнашысь учы Светлана Ручкина. «Шулдыр жыт» театрлэнвоштиськон вакытаз – бугырес 2008-ти арын «Малпан» группа дуэт чоже кылиз:Света но Эльвира кылдытизы «Malpan XXL» проект. Марина Галичанинадекрет отпуске кошкем бере, нылашъёсты «будэтон» борды продюсер Павел Поздеев басьтиськиз.Лулчеберетъя кивалтисьлэн жожез но потиз, вылды, нош со вакытэ нылашъёскылдытизы тужгес но узыр кавер-программазэс (мукет артистъёслэсь удмуртэ берыктэмкырзанъёссэс)! Соку ик жог тодмо луизы егитъёс полын. 2010-ти арын группаынмукет воштиськонъёс ортчизы: куиньметиез ёзчизы луиз Наталья Ушакова, «Шулдыр жыт»театрын будэм нылаш. Нырысь Наташа «мурт» потиз, но, тыршемезлы луыса, пумен дышизвыль сямъёслы, кырзан манерлы, эктон выросъёслы. Кыкети арзэ нылашъёс куинькузя ужало: куинь быдэ вуэм солист, куинь аспортэм куара, куинь чебер сяська –одиг бичетын.

Астэачид вуза!

Паймоно кадь, «малпанъёсты» Выль ар азьын«кырмыны» капчи ой вал: филармониысь концерт ортчем бере, кин кытчы кир-пазьлуизы. Света аспирантураысь «быжъёссэ» кыска, фин кылэ выемын... Эля но сессиеышемын. Нош эшшо верало, со, пе, «Шунды» огазеяськонэ пыриз… Наташалэн бергес ке но (Наташа заочно Питерынрежиссерлы дышетске), сое но Выль ар сюлмаськонъёс уг кельто. Артистъёс понната кысык дыр, уго: портэм праздникъёсы отчало, кырзато-верато. Пумиськонокариським Удмурт театрын, «Дэмен – Выль арен!» концертын. Гримеркаын гань-ганьвераськон пормоз, пе! Эльвира ышыны вуиз: со, пе, али сцена вылын, АлексейЛожкинэн лоба. Кудые пуксьыса, «космонавтъёс» сямен, дуэтэн кырзало вылэм. Совакытэ Света но Наташа фойеын календарь вузано кариськизы. «Удмурт дунне»газетмы соослы сыче кузьым дасям. Нылъёс шаплы кариськиллям: Выль арлысинмаськымон магнитъёс, открыткаос печатлаллям на.

Дуннелэсьбере кылёнтэм

-Нылъёс, табере вералэ: кызьы ти та калэ вуиды – асьтэос вузаськыса сылиськоды,лэся? – исаськыса юатэк ой чида.

Света: Нош мар карод. Сыче милям калыкмы! Ачидке од ке мыны, од ке мычы, уз но вала, мар та, мар таин кароно.

-Учкисько ке, Наташа мыло-кыдо басьтиськиз вузаськонэз радъян борды. Коммерцишодонэд кылдиз-а?

Наташа: Басьтиськи. Угось мон малпай: ми ке ом,кин? (Серекъя).

-Тани ма бордын ужпум! «Малпан» группалэн овол шат продюсерез?

Света: Овол.

Наташа: Вань лулчеберетъя кивалтись. Но соепродюсерен секыт ниманы. Марина Галичанина – крезьгурен выре, репертуарезэскере, куара пуктэ, кырзанъёс гожтэ. Нош продюсер быгатыны кулэ продуктэзкалык дорозь вуттыны. Али ми асьмеды асьмеос ик пиарить кариськом. (Учкыны луоз Вконтакте вотэсбамысьогинзэс www.vkontakte/malpan. Нылашъёс иворъёсты асьсэос выльдо – авт.)

Эльвира: «Мalpan XXL» проектын продюсер чотын ПавелПоздеев вал. Со проектлэн малпасез, мылкыд сётисез луиз, но продюсерен соениманы секыт.

-Син азяды пуктэ: йыгмыт гастрольёс, бадзым сцена. Мар тиледлы туннэ нуналлы угтырмы зэмос, дунне азьын возьытэ усентэм кырзасьёс луон понна? Продюсер гинэшат?

Света: Шуом, луысал ке ужпум «Малпан»-эз Европаеяке кытчы ке кунгож сьоры поттыны (кытын вань шоу-бизнес, кытын со аскатъёсызъя азинске), продюсер одно ик кулэ. Со сяна, хореографъёс, стилистъёс.Мед ужасалзы выросъёсмы бордын, пуктысалзы эктонъёс, кенеш сётысалзы вылтус,мудор ласянь.

Наташа: Костюмъёс – со ми понна котьку«чепыльтись» юан! Шундыпуксён палан вань имиджмейкеръёс. Милемын котькудинызсыче имиджмейкер ужаны кулэ вылэм. Со бордысь ини быдэс группалэн тусыз потэ,сайкытоме огъя суред.

Света: Со сяна, одно ик выльдоно репертуарез,фонограммаослэсь зечлыксэс. Конечно, милемын зеч онерчи ужа (филармониысь Александр Коновалов, «Life music»студилэн кылдытисез – авт.), но озьы ке но сюлэм мае кевыльзэ куре… Фонограммаос одиг кадесь, соосты одиг мурт лэсьтэ.

Наташа: Нош мыным уг тырмы туала куара…

-Крезьгур гожтонысь трендъёс? – юатэк уг чидаськы. Ачим диджей бере, тодисько,макем со лэчыт ужпум: техника воштиське, аранжировка куараос но выльмо, вылькрезьгур оръёс кылдо.

Наташа: Бен, дуннеын модаын тенденциостыэскерон, соосъя тупатскон!

Света: Мыным мылкыдъя тросгес улэп куараос, улэпсэмплъёс. Фонограммаез соос узыргес каро.

Тавакытэ антракт кутскиз. Фойее лобатизы концерт залэ люкаськемъёс. Кин буфетынгусъяське, кин дискъёсын-книгаосын вузчиос дорын берга. Тани «Малпан» дорывуисьёсыз но сюризы – кык лать-лать кышномурт, удмурт дэремен. Лымыныл дисеншоголляськись нылъёс шоры учкыса, малпасько-а меда соос «тренд, сэмпл,аранжировка» кылъёс сярысь? Таче учкисьлы «шулдыр удмурт кырзан» кулэ! Озьы кено, календарез басьтись ожыт оз луы. Тросэз гинэ егит чеберайёслы гочаз, иське.Календарез «бездыт» тусо шуисез но сюриз. Но ваньзылы чибориё, синэз вандись,базар буёлъёс уг кельшо, таиз шумпоттэ. Мусо пальышась апокъёсты автограф ногожтиськытизы…

Чеберезкылдытон

-Нылъёс, ти артистъёс бере, котьку чебер луыны кулэ. Уд акыльтиське-а син азьынлуыны?

Света: Ми огшоры нылъёс ук. Образъёсмы но овол.Продюсер оз малпа бере… (Серекъя).

Эля: Образъёсмы овол милям, таиз зэм. Но мипортэмесь.

Наташа: Ми «Смешарикъёс» кадь! Ваньмы портэмесь,но ог-огмылы кельшиськом. (Серекъя).

Света: Чебер луон сярысь верано ке… Астэ сычееняратоно, кыче тон вань. Шедьтыны кулэ пуш гармониез – со вылтусад но выжоз.

Наташа: Валамон, спортэн выроно. Мон тыршиськофитнес-клубе ветлыны. Азьло физкультура урокъёс вал, табере овол ни:тренировкае толэзьлэсь кема ой ке ветлы, асме урод шодисько. Со сяна,эскерисько сиёнме, коё-воё уг сиськиськы, тортъёсты палэнтисько.

Света: Секыт вераны. Мон оскисько, естественнойчебер луон – тужгес но дуноез. Но со сяна, радъяны быгатоно нуналдэ, ужъёстэ.Уйин – эн тыке!

Наташа: Быгатэмъя чеберлыкъя салонъёсы пырасько.

Света: Нош тужгес но чебер каре яратон!

Эля: Чеберез утён понна чемгес сексэн выроно.Нокыче гимнастика кулэ уз луы!

Света: Котькыче тон мед луод – астэ чебервозьматыны, адямиослы мусо адскыны быгатид ке, мугор секталадэ но уз учке.

Наташа: Бен, яратон чебер каре. Астэ но яратоно,матысь адямиостэ но. Нош эшшо чебер луиськод, саклык висъяло ке! Кылзисед ваньке, шудо луиськод.

Зеч- урод

- Нылъёс, ти портэмесь, но чош ужаса,ог-огдылэсь манеръёстэс но асэстиськоды, дыр? Тумошо сямъёсты, кылъёсты вань-а?

Света: Мынам вань яратоно веранэ: «Ну мар кено-к со сыче…» - уг ке быгатиськы валэктыны. (Серекъя). Эля чем вера тазьы:«Ха-ха-ха! Тунсыко…» Наташа… Наташалэн вань-а маиз ке?

Эля: Овол, кадь.

Наташа: Мон куддыр туж шыпыт, йыг-йыг,малпаськись, нош куддыръя мынам жуатске кадь лампочкае – но мон кутскиськошузияськыны, серекъяны, маскаръяськыны.

Света: Соку Галина Иосифовна (Платонова) вера:«Ма, нылы… шыпытгес!»

Наташа: Нош Света куддыр туж ожыт вераське, ношкуддыр пуштэ кадь – но дугдытэк мае ке вера, вера, вера, кыче ке учыръёстымаде!

- Вералэ котькудды тужгес но синмаськымонсямдэс. Мар понна асьтэлы кельшиськоды?

Наташа: Мон шуысал таче сямме: аслым ужпум пуктике, мон сое одно быдэсто. Та сямы мынам будэмея кужмояз. Улонысь вамышъёсты икучконо ке: туж шумпотисько, Петербурге режиссерды дышетскыны пыри шуыса. Та монпонна шуак вамыш вал – но мон ваменскыса ас сяменым лэсьти: мыни, тоди,дышетскыны кутски.

Света: Та юанлы мыным вераны туж секыт.Психологи факультет монэ «сориз». Умойзэ урод адзыны дышетиз, уродзэ – умойпаласен. Оло, мынам плюсэ – мон быгатисько портэм луыны? Портэм муртъёсъятупатскыны? Но та умой шат? (Серекъя).

Наташа: Тынад плюсэд – тон семьяедлы туж матыншуыса.

Света: Мынам плюсэ – мон дэремъёсты яратиськошуыса. (Малпаське). Мон огшоры нылаш. А, эшшо плюс! Мон Алнашысь. (Серекъя).

-Эля, тон туннэ маке туж шыпыт… Кыче тынад плюсэд?

Эля: Мон… кескич. Та котькуд ласянь плюс. Монкескич – портэм удысъёсын.

-Ярам, зеч палъёстэс тодим. Табере урод палъёсыныды тодматсконо…

Света: Мон чик но уг быгатиськы улонам кулэбыръёнъёс лэсьтыны. Матысь адямиосме катьтэммыто!

Наташа: Берло дыре нуналме радъяны угбыгатиськы… Эшшо туж трос уксё быдтисько! Чик кулэтэм интые быдтыны быгато:кулы дуно маска, чебер сапег, дэрем…

Света: Дэрем сярысь эн вера. Мон со – дэремъёстыяратись!

Эля: Мынам шеке: уг чидаськы критикаез. Тужсекытэн кылзисько.

-«Малпан» группаысь нылъёслэн одно ик асьсэлэн чебер, лемлет малпанзы но луыныкулэ…

Света: Туж потэ мынам, аслам коркае, пиналъёсымед луозы шуыса… Яратись картэ, мон но мед сое яратом. Кельшись уже. Уксё номед ваёз. Дэремъёслы мед тырмоз… (Серекъя). Картэлы но, пиналъёсылы но!

Наташа: Малпан – со азям пуктэм ужпум. Но,конечно, лемлет малпанэ – таяз арын аслэсьтым кузме, яратонме шудьтыны ини,соин улонме герзаны! Со сяна туж потэ ужын быдэсмеме, асме реализовать кареме.Мед луозы творчествоын вормонъёс, мед соос шумпотон ваёзы.

Света: Вунэти вераны! Мынам но потэ,анаелэн-атаелэн кадь: гуртэ бертиськод но – соос отын телевизор учко, диванвылын мусо гинэ зыгырскыса пуко.

Наташа. Мон но бадзым семья сярысь малпасько.Тазалык луысал ке, 3 пинал но вайысал! Ачим огнам буди бере, котьку сузэр-вынсярысь малпалляй. Вань семъяме огазе люканы мед быгатысал – анайме, пиналъёсме…

Эля: Мынам но потэ быземе… кыкети ползэ.(Серекъя). Пинал ваеме потэ, кыкетизэ – пияш мед луоз. Машина. Европативорттылысал. Туж потэ Шотландие вуылэме, кельтъёсты, друидъёсты-язычникъёстыадземе.

-Кыче тиляд, нылъёс, нылкышноё малпанъёсты!

Света: Мар карод. Вакыт сыче вуэмын.

Серекъяло.

Сямъёс сярысь

-Нылъёс, тиляд вань-а кыче ке йоспортэм дышем сямъёсты? Урод мылкыдын кызьынюръяськиськоды?

Света: Мон мынисько кафее, пукисько огнам,сиськисько. Куддыр со укыр чем луыны быгатэ. Собере асме ик буйгатисько: «Ма, монтае заслужить кари ук!» Куддыр со муген ик выль дэрем басьтисько. «Сайлент вугурын» одиг дисен сцена вылэ кык пол потаны уг яратиськы. Эшшо, конешно,татуировкае! Азьвылгес пирсинг но вал. Шуак лыктэ со мылкыд, котьма кар!Анаен-атаез адземзы бере оз шумпотэ.

Эля: Мон яратисько пель угы октыны. Пелямпасьёсыз но трос. Яратисько гладить карыны но посуда миськыны!

Наташа: Мон син учкин азьын эктыны яратисько. Ноогнам дыръя: мама валатске ик, дыр. Крезьгурез золгес жуатисько, мае кезадорзэ, кылсярысь, Кристина Агилераез. Собере Агилера кадь ик вырисько. Кияммар ке микрофон порма кутисько, позыръяськисько, эктисько. Со пичи дырысенкылем сям-а мар-а… Но та бадзым-бадзым секрет! Тыныд гинэ верасько. (Серекъя).

-Пичи дыр сярысь вераськон потиз бере, лыдзисьлэн тодэмез потэ, кычеесь ти вал.

Наташа: Мон вал туж-туж возьдаськись пинал.Сокем востэм – кепырасько вал мурт адямилэсь мар ке юаны, дораз матэктыны.Будыса пумен ортчиз. Атаеным, анаеным споръяськыны но кутски, ас сяменымкарисько табере!

Света: Мон мамае борды бурмемын вал. Мамалэннылыз но тини. Кытчы ке мамаостэ колыны кыльыны – ноку но! Герзамын-думемын,кожалод. «Эрки писэй» нима вал чужай. Университетын дунне шоры учконэ чылкаквоштиськиз. Мамае дышетись, тросэзлы дышетиз, котьку шуэ: «Ми огшоры адямиос».Мон валасько, кизили висёнэн медам висьы шуыса вера.

-Вань, дыр, «Малпан» сярысь супыльтонъёс,кыл волдонъёс но. Мае ке тодиськоды-а?

Света: Мон малы ке тодисько, «малпанъёсты»вылтияськись кожало шуыса.

Наташа: Тросэз мыным шуо, мон улонын мукетшуыса. Адзо ке фотографиосме, тужгес ик концертъёсысь, малпало, кезьыт, доразэн матэкты.

Света: Мон тани, филармоние ужаны вуыкум, малпайвал, наташа милесьтым трослы арлыдогес.

Наташа: Анисимов Коляен Сыктывкаре ветлим но, сомыным шуэ: «Кыче тон, Наташа, капчи сямо, шулдыр адями! Нош мон кожасько вал,звезда, не подступишься!»

Эля: Мыным туж уг кельшы, куке адямиос монэнырысьсэ адзо но кожало, кылчин, ненег маке шуыса. Собере асьсэос ик жожомо,уго малпанзэ зэм ой вал. Монэ янгыше уськытыны туртто.

Наташа: Вань эшшо супыльтон, группамы куашкашуыса. Кин кытчы пазьгиське: мон Питере, Света Финляндие, Эля – выль проектэздоры (ChupaiEli),Карелие. Нош ми нокытчы ум дыртиське на!

-Ти милемыз филармонилэн сцена вылаз шумпоттиськоды. Профессионализм кытысьпотэ?

Света: Со егит йыр. Капчиен ужаськом – миегитэсь ук ай.

Вераськиз Дарали Лели

Тон туннэ кыскыса быдтэмын

2012-01-11T03:14:00.000-08:00

Мусое, тон туннэ - окурок.
Пень тырон коросад кыллиськод.
Кыскизы тонэ, ӵындӥзы уно -
Табере кулэтэм, валаськод-а?

Малпанъёс пияла эгесэ пыро.
Потыны отысьтыд шат пормоз?
Тамак пум кадь выйид осконэд полы,
Буш ӵынэн мед инме лобӟоз.

Азьланез нош ӧвӧл - ортчемез гинэ,
Ымдурын сюпсемез-кыскемез.
Кин ке но лэсьтэ, воштэ тонэ:
Буйгато тамакен умзэс...

Ваньзэ-ваньзэ сётӥд но астэ быдтӥд,
Со понна тон ӝуад, зэмзэ.
Уд, уд валськы чик, уд валаськы чик:
Вунэтоно ортчемзэ.

архитекстура в честь выль ара

2011-12-30T14:38:00.000-08:00

Пыриськод со бадзым корка: нырысь со потэ буш: коня ке сыче ненавязчиво лепнина, ионической юбоос, иронической малпанъёс... (тон шуак валалод, а мар это мон ваньзэ Буковски кадь - алкосурет суредъёс пыр адзисько?) Азьлань вамыштод но - азяд химера (интертекст Захаровен). Пыриськод нырысети висъетэ. Отын портрет Джули Ньюмар, сосиска кадь вольыт пыдъёсыз - а вообще сутэр синмо и все такое. Тон туала адями ке, пушкад бугырске кыче ке урод куараё буёл фильм, 80-ти аръёсысь - нош "вашкала" адями ке тон, шыпыт мыниськод, Каради Каталинлэсь нежно-роковой песенкаоссэ гурласа.

Со вакытэ - Имбарз:алэн выли эгесо залаз усьтиське феерия.
Уг поты чик но треше усем - нош верос уз пормы тодмо компонентъёс оз ке луэ:
Отын, тортэз кырыса, жуштэ... Фиг Шушуков. Удмурт айти-пияш (ну, подумаешь, опять увлеклась мифологизацией а-ля удмурт декаданс). Со чинно, куд-ог дыръя зыбынзэ тупатъяса, вскрывает удмурт действительностьлэсь табаньёссэ: силё, вегетарианской, с ошметкам свеклы и капусты... Солы юрттиське Регина Гуры. Мусо нылаш с элементами элегантности - но не укыр. Азьлань мыниськод.
Азьлань улиськод улондэ - из анфилад жизненного простора.

Выль арен. Пумыз уз луы - луоз нежная псевдонаучная реальность, удмурт кукейёсын разбавляй сое.

# Выль ар кызлы ветлон азьын (эмоциос)

2011-12-22T02:29:00.000-08:00

монэ бесит
кызьы ваньмыз шуо
кызьы мон верасько
кытчы мон вутскисько
мае мон кутскисько
монэ бесит
мае мон уг вуттӥськы
кытчы мон уг вутскиськы
мае мон уг вераськы
монэ бесит
ку мыным уг верало
ку монэ уг ӧтчало
ку монэ уг возьмало
монэ бесит
ку ачим уг мынӥськы
ку ачим уг пыриськы
ку ачим уг кутскиськы
монэ бесит!

***
Туннэ мон сыӵе перфектная!
Туннэ сыӵе мынӥсько, чеберина,
Леопард шубаен,
Киям портфель, ымбурам - горд зырет,
Чыртыям - одеколон.
Пырало почтае, университетэ, школае,
Удмурт театре кожо, уж дурам ветло,
Кыӵе ке мажорлэсь интервью куро!
Ваньзэ-ваньзэ каро! Маникюр-педикюр,
Йырсиме сынало.
Региночка Музиянова доры тӥрлы ветло.

Нош нюлэскы тонэн ветлыны мон уг вутты,
Уг вутты!..
Кылме сётӥ ке но, уг вутты...
Улонам одӥг пол Выль ар кызлы ветлыны,
Гажан эшеным - уг вутты.
Эн но юа, малы. Уг вуттӥськы.
Мон перфектная, туннэ тӥрен уг ветлӥськы.
А ӵуказе тон улонысьтым ышӥд ке,
Уг ик паймы.
Просто коралто асме перфектно
Региночка Музияновалэн тӥреныз.

***
Хронотопез
Удмуртъёслы
Йырберыктымон. :)

Уд ни-а (зарисовка)

2011-12-05T21:35:00.001-08:00

Удина пыриз кыче ке пеймыт, херовой заведение, но соку ик сое кык палтизкырмизы.

- А че так? – кеськыса гинэ вуттиз со.

Зын вал. Стремной зын – печень по-вавожски пыжиз,вылды. Удина выриз тодаз вайыны, кытысь со та зынэз тодэ. Сыче трос калык,чилясь дэремъёс, гылыт фасонъёс, мериськись киос. Туж тодмо – но тодмотэм но.Нош таиз инты валантэм. Тодмо овол.

- Али ик вералэ, мар та таче! – шуиз Удина.

- Нош тынад малы сыче нимыд? С фига ли?

- А мар, удмурт овол-а мар-а со?

- Кытиыныз?

- «Уд» выжыез, иське, удмурт!

- Аха-ха-ха.

Шуак сое погыртиз оломар быдза кужым.

Печень сырыми кусками обволокла юное тело – и неосталось ничего, кроме как не дышать….

Ярослав Ложкин #dart

2011-12-05T21:29:00.001-08:00

Ярослав Ложкин:

Овол лэсьтоно удмуртсэ, лэсьтоно чеберзэ– котькин понна

Ярослав Ложкинэн 2008-ти арынтодматским. Соку но, али но син азям одиг тусын пуксе – визьмо, йоно, йыгмыт,ас удыссэ зеч валась пияш. Тодматскимы «Авиатор» клубын, тужгес но «элитной»техно крезьгур жытъёсын. Отын люкаськись снобъёс Ижлэсь туала туссэ кылдытъязы.Удмуртэз шоры соос вылиысен улэ учкизы… Малпалляй мон. Нош дыр ортчемъя, сооскадь малпаськыны кутски. Эшъёс луимы. Ярослав Ложкин, дизайнер но иллюстратор,воксе ке, удмурт вылэм.

- Ачид сярысь коня ке вера вал.

- 10 арталэсь азьло, шор школа бере, Иже вуи. УдГУ-е пыри – армие мынонтэм вылысьгинэ. Ар куспын валай, штанэз зыраса пукыны кать овол, ас мылкыдыя удыс бырйи –дизайнэз. Портэм компаниосын, трос калыкен ужай: суредай иллюстрациос, дасяйинтерфейсъёс, роликъёс кылдытон бордынтырши, веб-сайтъёсты лэсьтыли. Ас удысам троссэ утчай. Но огъя учконо ке, озьыик ой вала кадь, мар мыным тужгес но зол сюлэмыя – тае капчи овол валаны, тужгес ик жуммемрегионын улиськод ке. Валан лыктиз, Ижысь мукет городъёсы ужея потаны кутскемебере. Собере воксё но Петербурге выжи. Дэмлазы социальной шудонъёсысь старт-ап, со борды басьтиськи. Маке новылез, тодмотэмез – туж кельше. Али умой валасько, мар кареме потэ но кудласяньазинсконо.

- Тынад атаед – Валерий Ложкин, тодмоудмурт интернет-юзась. Ачид кудтырысен удмурт луэмдэ шодид?

- Удмуртлуэме пичи дыръям туж мур ватэмын вал. Сычеесь соос, туала Россиысь реалиослэн«шудон катъёссы». Удмуртъёслэн менталитетсы но сычегес – чимаса шудон но астэ янгыше уськытъян. Туалавакытэ таче сямъёслы луыса кыдёке уд кошкы. Удмуртъёс, мукетъёсызмини-национальностьёс сямен ик, оз воштиське, уг воштисько, уг но дыртовоштиськыны. Кылсярысь, шарагес, яркытгес-висъяськисьгес луыны, портэм макеосынтунсыкъяськыны но астэ вормонъёслы мотивировать карыны.

Пичи дыръямудмурт луон мон понна кык амалэн шараяськылиз. Нырысетиез – куке школаындышетскисьёс бускель гуртъёсысь удмурт пиналъёсты акцентсы понна исаллязы.Мукетыз – гуртысь песянае дорын толэзьёсын улыкум: отын удмурт кыл нырысетиинтыын вал. Исаськон урод палыныз син азе пуксе ке, кыкетиез озьы ик кулэ кадь,потэ вал.

Удмурткыллэн урод имиджезлэсь куштиськон школабере вал ини. Атае университетэ, удмурт дышетисьёс полы вайиз, соос вераськизывизьмо, выли валатоно удмурт кылын. Тачезэ мон ой на кылылы, соку валай, удмурт– со сыче кыл. Трослы берлоге сини тодматски «Рокафамилия» огинысь пиосын(хаус-коммюнитиысь удмурт диджейёс – Иван Федотов, Роман Гусев, Юра Возисов).Соос кужмо мыжыкен паньгатизы удмурт кыкети сорт луэм шодонме. Собере тодивизьмо, но ожыт лыдъем удмурт тусовкаен. Тужгес но зол пытьы кельтизы Polina Kubista дись но Silent Woo Goore крезьгур. Удмуртъёс понна соос зэмостылсиос кадь. Мукет сычеосты уг ни тодиськы.

- Нош маин тонэ «Рокафамилия» сокемлопкытиз?

- Пыриськод,шуом, клубе, нош тонэ Рома Гусев – тонэ жутэ но кесяське: «О, удмуртбатыр!» Со выллем. Туж зол. Сыче зучсямъя – яке американ, шуод-а.

- Но сыче шара луон – со комплекслыуг укша шат? Юри очкарыса вырон, сьораз ортчон…

- Удмуртъёс– шор дауръёсысь кадь. Рома сямен астэ возьыны быгатыны кулэ ай. Синмыусьтиськиз: таче но удмуртъёс вань, ваньзы овол гуртысь – кинэн вераськыны нономыр сярысь.

- Нош шор дауръёсысь удмурт – сокыче?

- Ну,удмуртъёслэн бадзымез люкетэз – азьвыл кадь малпаськисьёс. Шып ужан, ватэмкотжож, шараяськонтэм. Маке лэсьтыны, воштыны кышкан. Пеймыт дауръёс. Али 21-тидаур, Интернет, технологиос, калык, мылкыдъёс. Удмурт адями, пушказ мур ватэмынке но кыче ке кужмо энергия, уз потты сое, уз суреда суред, уз лэсьты адзытон.Чемгес – юоз яке ошиськоз.

- Тон ачид сокем шара овол кадь?Вераськисьтэм, шуысал мон.

- Бен, монзулись овол. Мынам социализацие – Интернетын.

- Кызьы тон учкиськод али удмурттусовка шоры? Удмурт интернет, шуо-шоуёс?

- Кызьы«Шуо-шоу» иворъёссэ гожъя, мыным кельше: 90-ти аръёсысь журналист стилен – сычетреш-стайл. Нош мар сярысь гожъя – тунсыко овол, чиньыысь сюпсемын. Удмуртъёспонна лэсьто уго, соин нокыче дуныз но овол. Удмуртъёс понна лэсьтоно овол со,лэсьтоно котькин понна – мед удмуртэз тунсыко потоз.

Паша Поздеевкытысь ке тодэм, мон шудонъёс лэсьтисько шуыса. Юаз, ой-а лэсьтысал мон удмуртшудон. Мар сычеезлы вазед? Куке тодиськод, шудон – со сю сюрсъёслы, миллионадямиослы маке. Кыче эшшо удмурт шудон?! Озьы тини тросэз чиньыысь сюпсё –«удмуртэз понна», кызьы Паша утчаське.

Али маке кылдытыны капчи: куштид вотэсэ – улэ. Ужед урод ке –уг улы. Улэп ке, лэсьты на эшшо – ачиз азинскоз. Удмурт «деятельёс» та ласяньуг тыршо – продуктлэн зечлыкез вылэ сялало. Нош калык дорозь вутто – малы кешуоно «удмурт», и объективной критика шоры кырыж учко. Умой лэсьтэм интые,паськыт аудитория утчам интые… Супер-лояльной, соин ик импотентской аудиториясяна, номыр уг кыльы. Нокыче будон овол. Ваньзы одиг пуртыын позё, ог-огзылыпырисько, зечъясько.

Павел Поздеев асмалпанзэ вера:

- «Деятель» нимын пусъеме потэ:

Продуктъёс поттон бордын вырисько,малы ке шуоно 1) бен, со удмурт, 2) быръён критерий мон понна зечлык овол –лэсьтисьлэн мыло-кыдо луэмез, активизм.

Активной луонтэк номыр ойлэсьтиськысал. Вераськыны но номыр сярысь.

Ярославлэсь малпанъёссэ туждунъясько. Но саклык висъяме потэ: критика верась мурт зеч валаны кулэкоординат сознэтэз но со пушкынгерзаськем удмурт культуралэсь азинскон векторъёссэ.

___________________________________________________________________

- Уж дурад кыче кусыпъёс? Выльэшъёсыд мар малпало удмурт выжыосыд сярысь?

- Ужаськомчош, шудонъёс кылдытъяськом. Эшъёсы – программистъёс, зеч егитъёс. Удмуртъёссярысь соос азьвыл номыр уг малпало вал, огшоры уг тодо вал но тини. Россиысь,дуннеысь тросэз кадь ик. Тае валаны но тодад возьыны кулэ. Монэн тодматскемзыбере, кыче ке но отношение кылдиз ик. «Серем кыл, тумошо эктонъёс» сериысь,конечно. Кылэз кылзозы, учкозы «Италмас» видео-ролик. Сыче но вераськонъёскылдизы: «О, Питерын но финно-угръёс вань… Вепсъёс яке водь.» Вакчияк вераса,соослы тунсыко потэ. Кин ке зуч луисьтэм калыкъёсты кызьы ке вось карыны,ултияны турттэ – яке шузиос, яке сми жертваос.

Эшлыковераськонъёсмы огъянъёсын йылпумъясько: та кунын калыклы пычатэмын со, зучлуисьтэм калыкъёсты унь-мань карон. Нырысь ик, Кавказ но Азия, собере иниадскисьтэм удмуртъёс но со но та. Калыкын со сярысь вераськыны уг ярато. Смимугъёс, инфо-поводъёс утча.

- Али «Марк-ИТТ» компания удмуртинтернет-тарифъёс лэсьтиз. Кызьымалпаськод, та бадзым вамыш-а?

- Удмурттарифъёс – со зеч уж. Но чебер, умой кылиськись нимъёс понна гинэ. Тачемакеос чапак зечлыксы понна гинэ дунъясько,таиз ини – нюансъёс, чебер куараос. Кулэ овол лэсьтыны «удмуртсэ», лэсьтоночеберзэ – котькин понна. «Шунды гур», «Тыл гур», «Ву гур», «Лул гур» - соафриканецлы но чебер потоз. Но кыче ке «шаер даур шумпотисько» (та абстрактокыл бичет) – мурт пельын шотэм кылиське. Валаны кулэ, аудитория паськыт, тачепроектэ выриськод ке, со ваньзылы тупамон медло.

Сыче икюгдур, афиша дизайн ласянь, ужрадъёс ласянь. Интернетэз но Ижкарез шушафишаосын лякылид ке, кыче малпан кылдоз? Валамон – «мар та юрзым маке, эшшовалантэм удмурт кылын гожтэмын?» Сыче ик зуч яке англи афиша ярасал, оло,«порог лояльности» мукет. Удмуртъёслы золгес тыршоно, мукетъёсызлэн синмазытуссэс жутоно. Ваньзэ чебер, профессионально кароно. «Ой, кыче мусо афиша!Удмурт кылын! Уд но малпа ук, озьы но быгато шуыса!»

- Удмурт продукт лэсьтон бордыбасьтиськысалыд ке, мар со луысал?

- Кычеудмурт ужрад лэсьтысал? Кылсярысь, удмурт выжыкылъёсъя лэсьтэм иллюстрациосын адзытон. Кинсуредаз – суредаз, удмурт-а, овол-а –соиз бордын ужпум овол. 10 удмурт иллюстратор оз ке сюры, утчано палэнысь.

Бен, соудмурт ужрад ой луысал. Но со зечсэ лэсьтысал удмуртъёс понна. Суредъёс гинэумоесь медло. Тырмоз лэсьтыны ассоциация «удмурт продукт – мозмыт но алама».Огъя верано ке, адямиосты озьы-а, тазьы-а, дунъяло ужъёссыя, водскем интызыя новирзыя уг.

Вераськиз Дарали Лели

Эпик вин

2011-12-04T13:37:00.001-08:00

Эпик вин ---- > эпик фэйл.
Али малпаськоно ке, кулэ туж тачыртыса ик гожъяськыны блоге. Эпик вин - былинная победа - ваньзылы кулэ.

Соин ик, тае куштыса, мае ке выльзэ но золзэ потэ ини лэсьтэм.

Блог - со картинкаос гинэ мон понна.

Кызьы синмаськыны рок-кизилилы?

2011-11-30T17:00:00.001-08:00

Мыным удалтиз. Мон синмаськи.
Луиз со шуак, коня ке нунал талэсь азьло, Flower in her head концертын. Шуркынмон толэзь чидамон луэ вылэм :)
Озьыен, мон шумпотисько. Тол чебер. Нырысети тол нуналэн!

Салам "зарни вотэсъёслы". :)
Котьма ке но, та блогме мон ярато, пичи пиналме кадь.

Зарни вотэс

2011-11-22T08:38:00.000-08:00

Блоге пыриське "Зарни вотэс" ӵошатсконэ!

Мынам яратоно киное - Les amours imaginaires

2011-11-22T07:07:00.001-08:00

Со кинолэн нимыз - "Малпам яратонъёс" - Les amours imaginaires

Чебер куара суредъёс, кырӟанъёс, мыным ярась юмор, детальёслы саклык, дыртонтэмлык, выжыкыл камера, француз шӧм...

Франсис, Мари но Николя куинь эшъёс. Николя - гуртысь чебер пи, кыксы ик солы кулытозязы синмасько. Яратон малпаса, соос ваньзэ лэсьтыны дась... Нош Николя кылчин овол, огшоры гопник со.
Куанер Франсис! Сое ачиз режиссер шудэ, Ксавье Долан.
Инмар понна, мон сое яратӥ: со гей ке но.
Куанер Мари! Укыр ачим кадь потэ.

Флоренция сярысь #Udmurt dunne

2011-11-22T06:43:00.001-08:00

Итальян эйфориялы луыса (Silent Woo Goore Liet ӵошатсконэ ветлӥз, Юля Никитина - форуме, нош Лариса Широбокова воксё но "благополучно быземын" Риме), тодам ваёно кариськи Флоренцие ветлэмме. Гожтӥ вал "Удмурт дунне" понна 2010-тӥ арын, Будапештын дышетскыкум. Удмурт клавиатура ӧй вал отын.

Флоренциынудмурт сямен кырӟай

2010-тӥ арын тулыс, Венгриын дышетскон куспам, Италие вуыли:.Али но уг валаськы, малы ч:апак Флоренциез, суредаськисьёслэсь ко:кызэс,адз:ыны шуд усиз. Гужлась Риме яке Миланэ, модалэн дуннеяз, эшшо ик... Ярамкоть Венецие, зын вуо но карнавал шо:мо ульчаосы, о:й сюры. Туристъёсын еркатэмканалъёс... Эсьмаса, тодмотэм интые ветлысал - Хорватие, Ирландие! Нош танитыныд – Италия.

Италия - пичи дыр малпанъёсын
Италия сярысь тазьы вераськыны ым уг пыры. Италия котькинлэнулоназ пичи дырысен кылдэ.

Нылпи ваньмызлы дышетске: кырз:аны яратэ ке, медкырз:алоз, суредаськыны по:рмытэ ке, одно ик суредаськыны нуоно. Буди:з ке,кулэтэмез вуноз уго, мылкыд ныжомоз, нош тодэ ваёнъёс, пинал выжыкыл суредъёс –кылёзы. Тае валаса кадь, анае монэ крезьгур школае сёти:з. Суредаськонэн ачимэшъяськи ини. Тоди:сько на, куатети: классын туж синмаськиськи итальянРенессансысь дэраослы. Суредаськонэн пуромыса, Василий Морозов дорын «Шундыкар»лагерьын йо:ндыри. Озьы ке но, буёлэн вырыны о:йгес по:рмыты, буёл – со поэзиявыллем, мон нош график-прозаик. Рафаэль Сантилэн мадоннаосыз шоры учкыса ик,валай: тач:е буёл шо:донэд о:во:л ке, тыршыса но уд тырмыты. Кыч:е дырти:сьтэм,гань-гань улон сям, кыч:е ненегесь но либытэсь учкемъёссы! Берлогес сыч:е иклякыт мылкыдъёсты шо:ди: на студент дыръям, Иж киноклубын Пазолинилэсь кинооссэучкыкум. Со «декамерон» дунне мурт но осконтэм поти:з. «Укыр умой уло соИталияязы,» - малпай мон но валай: та шаер мон понна укыр лемлет малпано, укырческыт, шуод-а мар-а...

Нош улон кечкич маке, йыр вылэ витьымтэзэ уськытэ.Кыч:е со, зэмос вашкала Тоскана, 15-16 даур, шуныт шундыё дунне, вашкала римюбоослэн вырз:ылонтэмлыксы? Сое мон валано луи, Флоренциез выли:ысен адз:ыса,Микеланджело карлудын, Арно шурлэн вырйыло ярдураз. Ч:апак отын, туристъёсынтымиськем ульчаослэсь палэнынгес, сылэ тып-тып, уно аръем, роман стилен пуктэм монастырь.Во:заз то:дьыен пишти:сь шай изъёс шутэтско. Сыч:е интыын пыраклы но кыльыныкышкыт о:во:л – сокем со шыпыт но мур, сокем трос отын ортчемезлэн пытьыез.Кемалась вылэменыз гинэ улэ на кожалод. Татын куке но ганяк вамышъязы Данте, Джотто,Да Винчи, Микеланджело...

La Caffettiera Stioppeta

Нош кызьы мон вуи Италие? Крезьгуръя школаысь скрипкаклассэз о:й быдты ке но, улонме крезьгурен герз:ай. Лицейысь хоре ветли:, ньылькуараен Шор дауръёсысь но Возрождение вакытысь кырз:анъёсты, з:уч черкво:сяськонъёсты кырз:аллям. Тач:е тодон-валанэ о:й ке луысал, вуысал шат по:сьитали музъемозь? Выльзэ утчан сямы юртти:з. Будапештын дышетскыкум оди:гез эше,егит англи берыкти:сь Люси Франкел, итальян кылъя кафедрае кырз:аны о:тиз.Хорлэн нимыз – La Caffettiera Stioppeta – «Пазьгиськем кофе по:сьтонни». По:лазы сыч:е ик кылчиос, итальянфакультетэ ветли:сьёс кырз:азы, монэ но шумпотыса пумитазы. Тужгес ик кельшизто:ромы – Эстер, шуныт мылкыдо, точ:-точ:гес мугоро кышномурт.

Хорын мон шуак-дуак сопрано луи: куарае чик но векчио:во:л ке но, альтъёс по:лын укыр трос ныл кырз:аз. Ас поннам малпай, мадьярнылъёс вожмаськыса ик альт луыны тыршо ке, соос куспын ненег куараослы модао:во:л, иське. Озьы-а, тазьы-а, но, шуркынмонэ кутскыса, Выль арлы оди:газДунай гуртысь черкын концерт возьмати:м ни, нош берлогес тодмо луиз: Флоренциемыни:ськом.

Firenze
Флоренция! Венгриын улыса но, верантэм кыдёкынкадь. Бускель шаеръёсы потай – нош отчыозь о:й ди:сьты. Италиын монтэк но тростурист уго. Озьы ке озьы, но кырз:аны мыныны – со воксё мукет ук! Автобусынпукыса но кема о:й оскы, шундыпуксён пал Европае вуиськом шуыса. Гурезьёс вылынтрос лымы кыллиз, сюрес ялан ышыли:з гуосы-туннельёсы, собере бамалъёсвожекти:зы, виноград удъёсын шобырскизы. Писпуос вошти:ськизы, лабресэсь,питыресэсь луизы. Лымшор омырен шокчим.

Со буёлъёс собере пуксизы Боттичеллилэн «Венералэнвордскемез» суредаз. Льо:ль марз:ан кадь ненег куо нылмурт, йырсиез ло:с-ло:сваське пельпум кузяз... Осконтэм пичи дыр суред дунне. Озьы мон поръяй Уффиццигалереяын. Со Лувр выллем ик, быдэс дуннелы тодмо. Татын луэ пумитаны ДаВинчилэсь нырысети: шедеврзэ – пичикылчинлэсь йырзэ. Учкиськод-учкиськод но, шуэм потэ кадь: «И серовно монти:ледлы уг оскиськы!» Со суредъёс – кытын ке отын, нош йырын малпан уг лапка:тон ачид но отын ук.

Флоренция, шуо, Италилэн тужгес но чеберез карез.Вож буртчин лента кадь кысти:ське кузяназ Арно шур. Шурлэн оди:г палаз шордауръёсысь вуж коркаос мальдыто, шорлудъёс, базаръёс гужгето, мукет палаз –вырйылъёс, вож садъёс, виллаос векало. Кык по:ртэм дунне. Ж:ужыт-ж:ужытСанта-Мария-дель-Фьоре то:рчерк, лемлет но з:арыт-вож мраморлэсь борддоръёс,купол улын йо:спо:ртэм фрескаослэсь эгес: адысь шайтанъёс пыжо сьо:лыкокалыкез. Та адямиос туж оскизы сьо:д но то:дьы дуннелы, нош мае ке ж:уто ке вал– дауръёслы. Ымме усьтыса учки дас куинети: даурысь чильпаськемъёсты, соослюкамын огаз музей юртын уно йыг-йыг канаосын. Вань туала мода индустриясоослэсь чебергес пужы уз ворды.

Итальяшкаослэн улонзы...

Итальян кышномуртъёс, мар веранэз, шоголесь. Соосярато зарни, сьо:д но то:дьы буёлъёсты. Соос дунтэм ди:сь уг нулло. Ма, ваньик-а меда Италиын дунтэм шо:мо ди:сь? Базарысь яркыт сумкаос но перчаткиосвуюись буёлъёсын ворекъяло ке но, верантэм тузи: но мотор адско. Оди:г сыч:есумка 50 яке 100 евро сылэ, ваньмыз – зэмос ку. Татын котьма йо:н-йо:н,рос-прос, туала римлянъёс йо:ноесь уго. Котькуд модаез ярати:сь нылмурт сюлэмызпирсэкъятэк уз ортчы... Соин ик оти трос ветлытэк тырши!

Эсьмаса, кынтэм йо:л тырмыт сии. Мороженой Италиынту-уж ческыт. Коньыт но о:во:л, по:ртэм шо:мо, небыт, кезьыт... Валамон, малыитальянецъёс Пазолини киноосын сыч:е шузи кадь шудоесь. Улонзы ческыт. Адямиосчебересь, тазаесь, базаръёсысь емышъёс вылесь, быг-быгесь. Син ик шумпотыныжаде.

Тач:е капчи улонэз улыса, вылти:яськись луыны нож:ог, дыр. Нош итальян калык мыным сыч:е о:з поты. Ваньзы пальышъязы, тросвераськизы, серекъязы. Чик но жалятэк макаронзэс сиыти:зы. Вераны кулэ,милесьтым хормес о:тиз Флоренци университетысь хор, соос асьсэос ик кунопумитан ж:ыт радъязы, сиён по:разы. Котькуди:з гуртысь паста – макарон – ваем.Куди:злэн ке анаез, тодмоез но юрттэм. Пастаоссы по:ртэм пумоесь: кин ветчина,ко:жы но кукуруза ватса, кин по:лаз консерва чорыг, сыр, перец юдэ... Оди:гезконцерт бере оломар быдз:а пиццаос вайизы. Хоръёс эшъяськыны вутти:зы – огъяж:о:к дышем сямъя луиз. Университетын быгатэммес возьматэммы сяна, Сиеннагородэ ветли:м но Сан-Джеминьяно карысь театрын кырз:амы. Кык хор ч:ошен: тямыскуара, куамын адями мадьяръёс, англи но удмурт но кызь итальянъёс. Сюлэмпотымон чузъяське! Зэмос вашкала сцена вылын, оди:г кадь малпаськись адямиос по:лын,яратоно гуръёсыныд ч:ош! Нош люкиськон ж:ытэ мадьяръёс ас кырз:анзэс кузьманокариськизы. «Tavaszi szélvizet áraszt…» - нежъязы нылъёс, бордазыити:ськизы итальян пиос, кылъёсты утыр бумагаысь лыдз:изы. Оди:гез Италиындышетскись пияшмы та калык кырз:анэз итальян сямен мыти:з. Макем ло:пти:зы соосыд,адз:ыны кулэ вал! Нош мынам йырам шуккиз: удмурт кылын но вань ук. Нёжъяйудмурт кылын ини: «Тулыс то:л шунтэ лымыез, сяськае, сяськае. Уч:ы но аслыз парбыръе, сяськае, сяськае...» Кытысь ке шуак кылди:зы си:лё-виро итальянпиосмуртъёс но монэ омыре ж:ути:зы ук! О, мамма миа! Тач:езэ вити-а?! По:сьмылкыдоесь выли:ллям...

Лобаса кадь дорам берти:. Италилэн шуныт дуннеезукыр шулдыр потэ вал ке но, сыч:е дуннеын улэм потыны кутскиз. Пиосмуртъёслэнкиоссы вылын лобаны, вашкала черкъёсын кырз:аны, ческыт зыно кофе юыны,бутикъёсты учкыса ветлыны, ч:укна сайканы но укное мычиськыса, Антонионикиноосысь Моника Витти кадь дуннелы паймыны... Со понна ик Италия – со Италия.Кыч:е ке вормонтэм классика, куди:з котьку но улоз но туннэ-а, ч:указе-а аслызкотькинэ синмаськытэ.

Дарали Лели

Контроль.

2011-11-18T06:10:00.001-08:00

Антон Корбайнлэсь кинозэ возьматӥ БВИ барын таяз пуксёнэ.
Дэмласько ваньзылы, кин рок-кизили луыны малпа! : )
Нырысьсэ тодӥ кино сярысь Венгриын дышетскыкум, со тырысен гань-гань иземе ӧз луы.

КИРИЛЛ РЕМ: Мар со хайп? Мар со свэг?

2011-11-15T03:31:00.001-08:00

Мар со хайп? Мар со свэг?

Кирилл Рэм, Ижкарысь валтӥсезтрендсеттер но диджей, электрон крезьгур сярысь маде

КириллРэм Никитин – Ижкар понна легенда. Адями, кудзэ клуб удысын бергасьёс пӧлынтодӥсьтэмез ӧвӧл.Ижысь уй улонэ пыриз 90-ти аръёсы, нырысь ик Electrodinamique но Piezo электро но техно проектъёсыныз. Synthepon Allnighters, The Sekta промо-группаослэн атайзы. «Авиатор», «БВИ»но уно мукет клубъёслэн резидентсы. Кусып тупатись, герзась, эш – солэнтыршемезъя Ижысь букинг данъяськыны быгатэ таче нимъёсын: The Proxy, John B, Mujuice, Pompeya, Taras 3000… Кириллэн улоназ выль вакыт кутске: ӝогенсо кышноеныз Санкт-Петербурге улыны выжоз. Иж сярысь эсэпланъёссэ тодон поннапумиським-кенешим.

- Кирилл, кызьы тон малпаськод, мар воштӥськиз электрон крезьгурын 2011-тӥ ар лыктэмен?

- Мон крезьгурез электроннойлы но электронлуисьтэмезлы люкемысь дугдӥ. Туала крезьгур сокем трос – ӟечлыкезвалан туж субъективной луэ. Умоез уно, нош конкуренция эшшо но золгес.

2011-тӥ арлэн трендъёсыз пӧлысьмыным тросэз кельше. Ӟеч диско – MR.INTL,Hercules and Love Affair, ӟучъёсыз пӧлысь –Lipelis, Simple Symmetry. Ӟучъёс валто! «Рвака» пӧлысь ке, ClubCheval. Куке ваньзы акыльтӥзы нью-рейв тулкымлэсь но каллензэ электрон крезьгурез шудыны кутскизы, ачим сярысь вераны быгатӥсько: дип-хаусысь но утчасько рэйв!

Али, оглом учконо ке, 1989-92-тӥ аръёсысь тенденциос берытско: крезьгур чурытгес, агрессивнойгес луэ, bpm ӝоглык ӝутске. Тодады вае ай Prodigy группалэсь нырысетӥ альбомзэ. Али маке UKhardcore выллем кылдыны кулэ.

- Ижлэн аслаз крезьгуро историез, аслаз азинскон сюресэз. Туннэ нунал маиныз тунсыко?

- Ижлэн электрон сцена вылаз али номыр уг кылды. D-Pulse береномыр паймымонэз ӧз вордӥськы, шуыны луоз. Мон висъясал инди-сценаез. Татын выль нимъёс пото: Flowerin her head, Silent woo goore, Sergio Manifesto and Kings of RA… Тунсыко улэп крезьгур шудо. Sportloto,туж йӧно ним - синмаськымон диско.

Азьвыл уго вал кыӵе ке кар кылдытӥсь лэйбл – KAMArecords, со котыр биниськизы крезьгурчиос, поттазы альбомъёссэс. Али секыт оген уждэ мытыны, кин кытын гожъяське:Сережа Манифесто – Франциын, Андрей Спортлото – Англиын, Антон Лански –Германиын. Ваньзэсты гажало но дунъяло. Татын асьме музыкантъёс ог-огзэс воксёно уг тодо.

Нимын-нимын вералом-а? Паша Sigmatic, «113 друзей» промо – чебер, тузӥдиско, хаус. Соин ӵош шудо Fugo, Andy Moon, Сережа Булдаков. Одно ик синйылтоно интернет-блогзэ: sunbeamtouch.com.

Андрей Рублев, Sportloto – со мыным воксё атай кадь. Вань ужъёссэкуштыса, 8 толэзь куспын альбом гожтӥз. Пофиг: анай-атаез «сюдӥзы».Робин Гуд! Со кизили луоз, адӟоды ай. Ижкар сое ыштоз но сирота кылёз.

Смолы crew – бас-крезьгурез вӧлмытисьёс. Никита Kitsun, Данил Буров.

Тужгес дуноез туннэ нуналлы – The Sekta – сектамы. Ми яратӥськомпӧртэм крезьгур. Мед гинэ со калыкез шулдыртоз, эктон мылкыдпуромытоз. Валтӥсь юрттӥсьёсы – Саша Yesnomonkey, Alex Snow (disconoize.blogspot.com)

-Иже ваемъёс полысь кин тыныд, тужгес но кужмо пытьы кельтӥзкадь, потӥз?

- Та ар куспын, «БВИ» клуб усьтэмен, Ижкаре124 муртлы билет басьтэмын вал. Мыным кельшиз ваньмыз. Мон лулысь-сюлмысь эктӥкотькуд лайв но диджей-сэт дыръя. Клуб калыкмес пӧртэм крезьгуреншумпоттыны выри. Кызьы, шуом, ӵошатод соосты - Даша Люкс но On-The-Go? Пияшъёс туж кельшизы, туж кужмо мылкыдкузьмазы. Pompeya – шулдыргескалыкез ӧй адзылы. Eat my beat mr. Lenski, Capital bass –Москваысь «Солянка» клубысь резидентъёс. «Simachev bar» пыр кусып тупатим кунгожсьӧркуноосын: Нью-Йоркысь Houseof house, TBD.Куке со усточиос пульт сьӧры султӥзы, мон валай, кин со профессионал диджей. Сэткутсконысен сэт пумозь калык уг пегӟы – ялан эктэ но эктэ: адями вала трекъёсты быръёнласянь но, соосты огзы бӧрсьы огзы интыян ласянь но. Жуммытозы секыткырӟанэн – утыр ӝогзэ, капчизэпуктозы. Огзэ нылашъёс понна шудо, мукетсэ – пияшъёс понна, кожалод.

Адямиосын тодматскон, вераськон, соослэсьдышетскон – тужгес но дуноез. Ижкар – Россиысь одӥгез валтӥсезклуб улонэз гажась, валась инты.

-Туннэ таӵе луэмед маин валэктымон?

- Мон будэмын та пӧлын. 1992-тӥар. Мон егит пияш ай, поръясько 4-тӥ микрорайонтӥ. Шуак огазукноын чузъясько Kraftwerk,немец культовой огин. Мон утчай со квартираез, йыгаськи. Чувак, шуисько, гожтыкассетае! Озьы азинскиз. Собере – анаен Муское ветлэммы, Prodigy концерт. Анае 90-тӥ аръёсы праздникъёс радъян удысын ужаз. Солытау карисько, стробоскоп кылэз тодэме понна. Ӧр борсьы ӧр:breakbeat – jungle – d’n’b– hardcore – визьмо electro но визьмо лэйблъёс. Но яратоно продюсере алике но Canblaster. Hot Сreations, Art Department, Джейми Джонс, Night Slugz. Электроклэш.

-Озьыен, тон будӥд. Таин-а герӟаськемынмукет городэ выжемед?

- Огласянь, монэ кошкон калэ вуттӥзкивалтэтлэн политикаез. Мыным уг кельшы, татысь мон уикендлы Берлинэ лобаны угбыгатиськы шуыса. Уг оскиськы, интыысь вузъёс пиналэлы оскымон вылӥдышетскон сётозы шуыса. Мукет ласянь, мынӥськом фан-капчи мылкыд но выль тубат-вамышпонна. Эшъёсме уг кушты. Иж понна озьы ик ужало, тыршо, диджей экспортэзрадъяло. Асьме егитъёслы но капчигес луоз шоркаре потаны, Иже но выль нимъёсвуозы.

-Мар юрттӥз тыныд сомында ар возьыныпушкад со кужмо мылкыддэ, кудӥз нимаське хайп, свэг – дарт?

- Мыным Ижын – тунсыко. Та туж аспӧртэмгород! Тон озьы уд малпаськы шат? Бен, мон улӥсько сомалпанэн: мон ке ӧй лэсьты, кин лэсьтоз? Иж мыным трос сётиз.Мон но солы сётыны дась. Монэ дышетӥзы сыӵе адямиос, кудъёсыз Ижын нырысетӥклубъёсты усьтӥзы. «Ряба Мутант», «Virgo Intacta», Андрей Захаров An-2. Соос лэсьтӥзы ваньзэ –лачазы котырез. Туннэ крезьгурез арбериез сямен адӟо:со шоры учко дӥсь, духи, сиён шоры кадь. Туннэ дабстэп,чуказе постдабстэп. Кин мукет учконэн улэмын, со пыраклы пушказ кылёз –крезьгур пушкы.

-Коня ке кыл мурт дунъет - ачид сярысь.

- «Котькызьы янгышаз ке но, солы вождэ удпоты», - шуизы Москваысь менеджеръёс. «Вуиськод – матысь адямиед доры кадь».«Таракан выллем – улӟись». «Умой адями, кылчинъёс ярато тонэ», - веракышное.

Тренд– модаысь яке мукет удысысь синадзымон амал, арбери, выльысь берытскисьтенденция.

Трендсеттер– трендъёсты вӧлмытӥсь.

Букинг– диджейёсты но крезьгурчиосты ӧтчан-радъян.

Bpm (англ. beats per minute) –минут куспын четвертной ноталэн шуккем лыдыз.

Вераськиз Дарали Лели

Быдэсыз вераськон www.disconoize.blogspot.com бамын.

Мултэслык

2011-10-31T01:50:00.000-07:00

Тани мар алигес Серафима Пушина-Благининалэн блогаз (!) кылдӥз:
"Свой удмуртский спектакль я делала при полном непонимании и неприятии меня, при полной моей ненужности никому. Мои знакомые говорили: "То сошла с ума! Ладно бы на древнерусском, он нужен людям, спектакль на удмуртском языке никому не нужен!" После первого моего выступления была гробовая тишина - нигде ни звука. Вы тоже ушли, не досмотрев до конца. СМИ молчали. Зато что творилось после моих выступлений за границей! Первое состоялось в финском городе Нурмес, где проходил финно-угорский фестиваль. Удмуртский театр возилвозил туда спектакль "ЭБГА". Я шла вне плана и конкурса, тем не менее стала сенсацией фестиваля, и все критики говорили только о нём. Было много рецензий, после этого закрутилось моё колесо... Финны выдали мне сумму, чтобы я могла показать спектакль по Удмуртии... Все поняли и приняли, особенно интеллигенция. Но на официальном уровне продолжали игнорировать. У нас не любят одиночек, нужно, чтобы ты кому-то принадлежал, был в стаде, грубо говоря. Реакция Удмуртского театра была тоже неадекватна. Я перешла им дорогу, я стала вторым в мире удмуртским театром, который показывают за рубежом на удмуртском языке, но почему-то меня снова и снова приглашают, а их нет. Оказалось, что я работаю в непонятной, странной манере, новой эстетике, которую удмуртские актеры принимали очень осторожно с оглядкой-опаской, часто с непониманием. Только сейчас понимание начало появляться.
Норвегии я записала целый компакт-диск. Дома я была неофициальной актрисой, хотя за границей я представляю мою любимую и нелюбящую меня Удмуртию, в Норвегии в честь меня поднимают флаг."
В иностранной прессе пишут, что в отношении профессионализма Александрова перфектна, имеет право своим сценическим мастерством войти в третье тысячелетие, что её театр - это театр будущего. Спектакль "Три свадебных напева" будет понят и оценен тоже в следующем тысячелетии, он будет всегда иметь успех у прогрессивного зрителя.
Газета Серафимы Благининой, №1, октябрь, 1998 г.
(Ольга Александровалэн перфектностезлы уд ке оскиське, учке)
Таӵезэ лыдӟем бере, соку ик тодам ваи мамаелэсь толон верамзэ: тонэ уггес валало, шуг гожъяськиськод, шуо. "Удмурт дунне" газетэ гожъясько мон озьы. Кызьы валай, редакциысь куд-ог муртлэн малпанзы со. Малпаськыны кутски, мар ай мон берло дыре сокем валантэмзэ гожъяй. Собере валай, со "Культпросвет" - "Дарт" приложениысь рубрика! Отчы сяна уг гожъяськиськы ни. Аслэсьтым сэрегме но уг гожъяськы. Иське, со мурт адямиен интервью вал. Но мон мурт кылъёсты чик но уг вошъяськы ук!.. Кызьы монэ янгыше уськытыны луэ, мурт "визьмояськемез" вӧлмытыкум? Яке "визьтэмгес" муртэ быръёно-а?Котьма ке но, со понна ик "Дартлэн" кужымез. Редактормы Лена Никитина трос пол малпанзэ вералляз: мед "Культпросветын" мурт адямилэн, удмуртъёс шоры палэнысен учкисьлэн малпанъёсыз шараяськозы. Со адямиос трос тунсыкозэ веразы ни, аслым но выльзэ усьти: Александр Старков, Валерий Ядыкин, Артем Малых,Ярослав Ложкин (мукет авторъёслэн - П. Палган, А. Янцен, А. Кузнецов.)
Али удмурт лыдӟосъёс пӧлысь Dart - тужгес но туалаез, егитъёслы, удмуртъёслы матынэз!!! Одно ик лыдӟе, кияды кутэ сое.
Азьло туж гажасько вал "Инвожо" журналэз, отын эльфъёс сярысь но, удмуртъёс сярысь но лыдӟыны луэ вал. Али "Инвожо" будӥз, кытӥязгес удмурт егитлы мурт но потэ, малпасько. Будӥз лыдӟисьлэн тусыз, статусэз...
Но тани-тани маке воштӥське, лэся.
Мултэслык - со кышкыт удмурт йыруж/югдур. "Инвожо" но сыӵе ик мултэслык пушкын пӧзе. Dart уг на пӧзьы - тырше огшорыгес луыны. Но со дыре ик тырше туала луыны! Чекатьтэ-а мар-а, гожтӥське, черешня в рот! :)
Ми кадь мултэсъёс тросгес луизы ке, классно луоз улыны.

#Удмурт лукбук. Роберт Миннекузин! Нырсетӥез удмурт хипстер.

2011-10-25T07:12:00.000-07:00

Роберт Миннекузин - ӧвол Юрий Ерошкин. Роберт - Вика Едыгаровалэн продюсерез, удмурт хипстер, "Узы-боры" киноысь яратоно герое. Мынам гинэ ӧвӧл, дыр. Нош таяз кӧснуналэ Юралэн Удмурт театрын премьераез вал, со шудӥз "Пужъятэм дэрем" пьесаын.
Пичияк ревайвал - удмурт лукбук. Тодэ ваём "йырпорымон дӥсьёссэ"! (Стилист - ачим.)

Уже кутэмын аслам дӥсе (сэконд хэнд, Дэвид Боуи - ТВОЕ, песьтэр), озьы ик тау: Полина Кубиста (чуж кечато штан - Гриша Степановлэн), Женя Наймушина (куэм сумка), Надя Кумышка (сумка Le Coq Sportif), Даша Яшина (лысьӧм жилетка)...
Юра, тон молодец! Шудӥд озьы, кызьы кулэ!
Образ кутэмын вал та суредысь:

Елабугаын куноын, яке егит студентлэн тунсыко малпанэз (спонтан интервью-мониторинг)

2011-10-25T04:45:00.000-07:00

Туннэ нуналлы Елабуга тодмо «Махеев» кетчупъёсын но майонезъёсын. Но туристъёс та чебер городэ мукет мугъёсын ветло: адӟыны Иван Шишкин суредаськисьдлэсь вордскем юртсэ, Цветаевалэсь музейзэ, пыраны Надежда Дурова кавалерист-девица доры, тубаны Чёртово городищее… Эшшо ик татын Туймы шур Каме пыре. Туж чебер тусъёс. Меӵ ярдуръёсаз азьвыл интыяськем Булгар ханстволэн кунгожез. Соин ик изкарлэн но нимыз Чёртово - гож вылын, «на черте».

Удмурт филфакысь нырысетӥ курсын дышетскисьёсты котьку сямен ик сӥзьыл Елабугае экскурсие вуыло. Таяз арын егитъёслы ваньзэ мыло-кыдо мадиз Андрей Николаевич Иванов, гид но гожъяськись. Та нодлыко мурт возын ачид но амалтэк визьмогес луод.

Мылкыдзэс верало факультетысь нырысетӥ курсын дышетскисьёс.

Татьяна Щёткина:

Тужгес кельшиз "Чертово городище" но Дуровалэн коркаез

Тодам кылиз автобусын ялкарон) кезьыт куазь

капчи мылкыд вал, эшъесын котьку шулдыр....Жадиськиз ке но, сомында выльзэ тоди...шумпотисько

Анна Загуменнова:

тужгес ик кельшиз Дуровалэн, Шишкинлэн но конечно же М.Цветаевалэн музеязы.Со сяна тунсыко вал Чертово городище дорын.со сярысь кылзимы легендаос, кудзэ вераз асьмелы умой,визьмо экскурсовод.Тодам кылиз корка-музей, кытын ке Марина Цветаева ортчытиз берпумети нуналъессэ.Туж сюлэмам пыриз вань арбериоз коркаысьтыз.Мозмон лыктиз,бордэме но потиз.Малы ке шуоно, мозмыт гур шудиз...Но оз кельшы,кызьы кышномурт-экскурсовод кема но монотонно вераз асьмелы М.Цветаевалэн улон сюресэз сярысь- умме усисько вал ини=)Собере мыным тунсыко потиз прогулкамы магазинъестизы.

Огъя вераса, мыным кельшиз Елабугаын,жаляса верано,куазез кезьыт вал- "не для гуляния".

Иван Белослудцев:

Тужгес но Елабуга городын кельшиз Шишкинлэн музеез. Малы ке шуоно солэн туж тунсыко улонэз вылэм, мон уг но малпаськы вал мыным сыче интересно луоз шуыса. Туж чебер коркаез, кудаз аслам ик улэм потны одъяз) Туж тунсыко луэ, куке тон представить кариськод солэн коркатиз ветлиськод ке, кытын со будиз. Со сяна кельшиз Чертово городище, уно легендаос мадизы, памятникъес возьматизы... до того занятно вал.

Если честно даже не представлял мыным сыче интересно луоз шуыса. Нырысь ик малпасько вал токма дыр лыкти шуыса, тем более куазь кезьыт вал. Нош борысьгес, экскурсоводлэсь визьмо, шуныт кылъессэ кылзиськыса кезьыт но не почем ни, кошкеме но Елабугаысь уг ни поты вал)) Туж чебер город, кельшиз:)

P. S. Орфография утемын :D

(Вообще, Дартэ оз печатлалэ но - треш вариант соку. Блог понна юри оригиналзэ кельтисько!)

Ити-пити, надцать! :)) Удмурт радиоаэробика

2011-10-25T04:15:00.000-07:00

Юмшаню промо сайтысь шедьти. Вуж гожтэме :)

Гость 03/10/08 22:19:19
Ответить
Aэробика сям-нерге.
Мугор утён гур.

Оди:г, кык, куинь,
Йыр, чырты, пинь!
Мугор со:знэт выре, выре,
Мултэс кило куашка-быре.

Йыр:
Азьлань, берлань, паллян, бур.
Аслыд ачид мугор дур.

Киостэ эн жаля.
Коля, Миша, Наталля.
Ул:ие-выли:е,
Пельпум выре,
Ко:е быре.
Ул:ие-выли:е,
Пельпум выре,
Куашка ко:е.

Кык, тямыс - дас куать,
Кыкнамы но оди:г кадь!
Куасалляськом кусъёсмес,
Ум жаляське кужыммес.
Ити-пити, надцать,
Шести-пити, надцать,
Лыдз:ид ке но, о:д ке но,
Всё равно потоз дас куать.
Азьлань, берлань, паллян, бур.
Аслыд ачид мугор дур.

Ж:уткаськом пыдъёсмес,
Куасалляськом кукъёсмес.
Ик-кук, курег кук,
Крашен Вася, лудкеч кук.
Тяпи-типи, надцать,
Воробей пятнадцать,
Лыдз:ид ке но, о:д ке но,
Всё равно потоз дас куать.

Пыдчиньы йылэ султи:м,
Мугормес золгес нуйти:м.
Put your hands up in the air!
Киостэ ж:ут омыре!

Тиледын туннэ тати
Туж тыршиз Лади Свети.
Мар сыч:е аэробика
Тон тоди:д. Урод ик-а?

А-э-робика.
Тон тоди:д. Урод ик-а?

P.S. Эктыны луоно нюрэйв, диско но электроклэш крезьгур улсы.

Уже кутэмын удмурт калык исаськонъёс: Икча-кукча, Ижевск, Удмуртия, 1983.

Палэзян vs. Кык кизилиос

2011-10-12T03:11:00.000-07:00

Убейтесь, "Палэзян"!

Куке ми тодӥськом вал ини тулыс ик (!), "КЫК КИЗИЛИОС" концерт 19-тӥ октябре луоз шуыса, но со сярысь азьвыл ик ивортӥм, сюро ук "юрттӥськисьёс", кин со нуналэ ик концерт пуктэ!

Мыным сыӵе ӝож но возьыт - удмурт сям понна. Уг луы шат тупаса улыны, лэсьтыны ӵош, ог-огедлы юрттӥськыса? Удмурт публика сотэк но трос ӧвӧл - но куке калыкез эшшо кужмысь кыско мукет интые, со воксё но чебер ӧвӧл!

В-общем, мылкыд мынам куашкамын. Мон туж разочароваться кариськи куд-ог адямиосын.

Макс Неизвестных #dart10

2011-10-10T16:43:00.000-07:00

Маргиналъёслы татын капчи овол…

Макс Неизвестных – тодмотэм, но кибашлы, Нижнекамскын вордскемын, улэ Питерын, нокытын но уг ужа, нош Инмарен сётэм быгатонлыкез вань – чеберез адзыны. Со туспуктись. «Кумышка но Клаудия» огинмылэн эшез.

Иже вуылэмын куинь пол. Нырысьсэ 2009-ти арын, «Творческая дача» арт-группа доры куное, собере гужем, Ижкарлы синмаськыса. Кылем арняе – куинети ползэ. Оло, малэсь ке мозмиз та шыпыт сизьыл карын? Чебер фотоос лэсьтон понна вуылиз ке шат?

- Нырысети синйылтэме – зеч, - маде Макс Иж сярысь. – Трос тунсыкоез, нимаз-нимаз бугыръяськись макеос ке но: «ТВДачаысь» суредаськисьёс, Железный Макс скульптор, Э. Касимовлэн арт-форумъёсыз… Та муртъёс «ас пуртыязы позё». Мыным кельше, ваньмыз огшоры лэсьтиське шуыса, «русское бедное» искусстволэн ог эсэпез, нокыче пафостэк. Шуом, Мускоын но Питерын ик лулчеберет удысъёс лоск но чеберлык полы выемын.

Мон пессимист. Ой быгатысал кема улыны таче карын. Город укыр пичи, соин ик вань луисез тусовка жог акыльтэ, трос тупатсконъёс кулэ уго. Кыче ке кафеысь сервисэн кутскыса – искусствоозь. Шодиське, уг тырмо вошъяськыны амалъёс, эрик. Ванез полысь аслыд тупасьсэ шедьтыны секыт луысал. Маргиналъёслы татын капчи овол. Бадзым городъёсын, Мускоын но Питерын, оригинальностез кулэ каро, соосты дунъяло. Татын оригинальность кулэ овол. «БВИ»-ын но («Бар веселых историй» клуб, Ижысь уй улонлэн огез йыгмыт пусэз) овол нокыче яркыт аспортэмлык. Та интыын ваньмыз дась модельёсъя лэсьтэмын. Тусын но, пуштросын но со ас шомо овол.

Юан кылдэ, пичи городысь кошкемед потэ ке, мае тон улонад воштыны дась. Вань тодмоосы, кудъёсыз бадзым городэ вуыса, огдышем манерен уло, пичи карысьтызы тодмоосынызы пумиськыло, номыре выльзэ уг усьто. «Выльвыл гырисьёс» (семья яке уж муген кошкымтэ макеос) ас дуннеазы ностальгие выемъёс луыны кулэ овол. Азьлань мыноно. Азьвыл эшъёсыныд эшъяськемед потэ ке, эшъяськы. Но аслэсьтыд шара юаны кулэ: марлы тон улон интылэ воштид?

Питере выжи, 17 аресме тырмытыса. Трос амбицие вал, нош Нижнекамск нокызьы мылкыдъёсме бурдъяны оз быгаты. Мукет адямиос, мукет кулэяськонъёс. Кыльысал ке, туннэ нуналлы мон фотограф ой луысал, малпасько. Профессионализм ласянь но, шом валан ласянь но – ой сюрысал онерчиос, кинэн луэ вераськыны, ог-огедлэсь дышетскыны, техника но эстетика тубатъёсъя жутскыны.

Макслэсь айфонэ лэсьтэм фотооссэ лыдзисьёслы возьматытэк ой чида. Паймисько: телефонэ но сыче выжыкыл дунне суреданы быгатэ. Оло ми но, татын улыса, укыр дышиськом кар тусъёсмылы. Куддыр мурт синмын дунъяно.

Тани огез фото: ижевская баба - провинциальная тоска

Татар хипстер!

2011-10-10T16:39:00.000-07:00

Дизайнер Элина Муха. Марка DRESS AYTAM

УБЕЙСЯ

2011-10-08T01:43:00.000-07:00

SWAG?
Буэээг...

Ну малы?? Малы мон опять нажралась - озьы? Ведь мон не пытаааалась. Малы кулэ вал с утреца лицемерно мыныны "КЫК ОЛЁШЪЁС" передачае но пиарить КУМЫШКА И КЛАУДИЯэз, нежно лапкаса в туалете. Простите, но факт.

Мон абсолютно хорошой. Озьы нимаське та . Убейся.
Дорын кылле нежный рассказ "Убейтесь", опубликую, бертӥ ке.
Мон валасько, что кулэ вал Америкаен помириться - но не такими же способами! Превет, Емельянов, превет, Ленина урам, ларёк, ӟечбур.
А Денис-то Тубылов за что пострадал! Слава богу, пегӟиз.
Отвратите меня от нежных юношей, иначе луоз печалька!! Соослы.
Кирилл Кирилл опять кариськиз мусо соратник и друг, опять малы ке притёрся. Не доверяю. К чему бы эта милая дружба? Света в очередной раз чуть не оралтэмын гопником. Ну малы со вечно оралтэмын луыны кулэ гопником, а?? Не подходи к гопникам воообще - и уз луы риск.
Денис Костицынлэн водскем нуналыз удалтӥз. Мусо.
Кыӵе мусо со вал - ответственной хипстер.
А мон - безответственной удмуртка!!
И это в этот добрый день, день нежной посиделки с поеданием пасты мамаеным но Света Ручкинаен Кофе Блэкын... Ведь кыӵе со вал лучезарно, кыӵе со вал очаровательно. В первый раз сюдӥ мамаме кафеын все-таки.
Толон 2 выль даралингвизм:
- перфектная. используется исключительно сиюминутно: Мон али сыӵе перфектная! (правда, туннэ ӵукна ӧз пӧрмы)
- маха. женщина подвыпившая, переевшая, на диване. не султэмез, не дӥсяськемез уг луы. маро маха кадь выриськод??
Господи... Что за мон чмо, что за интенсивная женщина. И что за та радость бытия сыӵе невообразимой - лэсьтыны а-я новогодний угар в середине октября.

Рублика: открытка аслым.

2011-10-05T09:54:00.000-07:00

Коть фотооын Япония, медло Хошимин.
Music: Viva radio

Удмурт мемъёс. Лэсьтэмын вал Губи Party нуналэ.

2011-10-05T08:55:00.000-07:00

Удмурт лукбук №... Фин-угор хипстер

2011-10-05T08:19:00.000-07:00

Лушкамын фин стрит-фэшн блогысь.

Мед вуоз тол

2011-09-22T01:57:00.000-07:00

Мед вуоз тол но вуоз со - С. Л.
Толсуре.
Яке уз вуы.
Но тол мед вуоз.
Вуиз ке тол, ми кутом туспуктон аппарат но мыном фото пуктылыны... Пыралом Ижысь рюмочнойёсы: Минутка-Тройка-Енисей. Сюдо сое пирожками по-ижевски, сектало бальзамом Иднакар. Нежно чупало лымыясь урамъёсын... Ул. Красная, ул. Пастухова, вуж коркаос, главный корпус Оружейного завода. Отын ми понна гырлыос жугозы. Со луоз прекрасно... Вуиз ке со.

Мынам весь мадеме потэ, кызьы ми соин пумиським, нош нокызьы уг быгатиськы. Гожти венгер кылын. Ас кылыным гожтыны секыт вал: йыр сураське.
Огзэ гинэ верам потэ: мон синмаськи солы соку ик. Куке адӟи ньылез пӧлысь - сое бырйи. Нош собере кошкыны медӥ ни вал, бертыны. Но пыри гримеркае - отын сэргын пуке вал со. Со сьӧрын сэргын кылле вал сумкае. Куке мон адӟи сое - валай, кошкеме уз луы! Со ӵапак сыӵе, кыӵе кулэ вал: губи кадь горд изьыен, чуро-чуро тельняшкаен, эрезь курткаен, пичияк тушо, ӟольгырилэн кадь мусо синмо. Учки шораз - но пушкын луиз шуныт. Солэн учкемез туж ӟеч.
- Вае, буркарик, сумкаме, - шуи мон солы.
- А... ярам, - вазиз со, берытскиз, поттиз сумкаме пукон мешокъёс улысь.
Мон кутӥ сумкаме но дунне вылын самой зол жаляй - кошконо шуыса.
Мон потӥ гримеркаысь. Тодыса, кин ке ке - со гинэ.
5 минут ортчыса мон сылӥсько вал ини бар дорын, кошкыны монэ нокин ӧз лэзьы. 10 минут ортчыса, мон вераськисько ни вал соин но Денис Агафоновен коридорын.
Мон пальпотӥ но шуи, Денис немец тус шуыса.
- Нош мон кин тус? - шуиз тунсыкъяськыса С.
- Нош тон... венгр тус.

Кызьы мон али кинэ ке яратыны быгатысал, куке вань со? Куке со туганэныз люкиськиз? (Таиз монэ котьку возиз, 9 толэзь ини - солэн нылашез вань. идеальной пулеточка) Куке со вуоз толсуре?
Мед вуысал тол. Мед вуысал со.

Поромисько промоослэсь. Часть 1. Амееерика сярысь берлогес гожто.

2011-09-21T06:53:00.000-07:00

Поромисько промоослэсь

Кызьы ке 3 ар талэсь азьло Ижын вань промо-группаос кулӥзы. Кылиз огез гинэ – Synthepon Allnighters. Промо-группа – со огазеяськон, кудӥз концертъёс но дискотекаос радъя. Ижкарын соос уно гинэ вал: Bad4you (drum’n’bass), Frienique (techno), Inner space lab (trance)… Ваньзы ышизы – кризисэн сэрен-а мар-а. Кылиз огез гинэ – «Синтепонъёс». Малы соос кылизы меда? Соос тужгес туала крезьгурез калык пӧлы вӧлмытыны кутскизы: indie, dubstep, nu-rave, пӧртэм басо крезьгур. Со крезьгур уноезлы яраськиз, мейнстриме пыӵаз: Justice, Klaxons, Friendly Fires, The Bloody Beetroots, Metronomy, PROXY…

Кылем промо-группаос «немодноесь» луизы. Ышизы.

Малы мон тае верасько? Малы ке шуоно али удмурт клуб дуннеын сыӵегес ик, тунсыко югдур. Кылдӥзы промо-группаос: «Юмшан57», Udmurt party – нош шудо соос одӥг кадь крезьгур, люкало одӥг кадь калыкез. Отын но, татын но: Udmurt FM, Бикузин, Угланова, Алина Антонова, Никита Ильин… Мар пӧртэмез? Мон уг валаськы сое.

Вань со удмурт дискотекаос огзэ гинэ туртто кадь: удмурт дискотека –клуб дискотека понна. «Фэшн», «Пепелац»… Чебер сьӧросъёсы пыран понна? Нош со чебер туалетъёсын сыӵе ик ваньмыз. Ортчиз ни кадь со вакыт, куке кинлы ке «доказывать» кароно вал, удмуртъёс но уй клубъёсын юмшаны быгато шуыса? Быгатӥськом ми – мар татын паймонэз на.

Мыным кельшо удмурт дискотекаос. Табере соос мыным кельшо ини. Нылъёс чебересьгес луизы. Соос тузӥ дӥсяськыны, чебер эктыны, асьсэды синмальдымон фото пуктыны дышизы. Пиос дышизы йӧногес юыны. Кыддыр соос нылъёсты но сектало ини :)

Нош дыр утча котьку мукетсэ, выльзэ, тунсыкозэ. Cоин ик аслам но, вылды, кылдӥз «Кумышка но Клаудия» поромое (промое). Со оло удмурт но ӧвӧл, шуоды тӥ: нош ми удмуртъёс ук. Ми удмурт сямен шулдыръяськиськом, эшъяськиськом, удмурт мода возьматӥськом. Эшъёсмы гинэ пӧртэм: удмуртэз но, ӟучез но вань. Ми дунне адямиос! Нимы но мынам Дарали – Индиысь. Эн ере.

Али валасько ини: сыӵе «Синтепон олнайтерс» удмуртъёс понна «Узы-боры» кино но со котырысь калык луиз. Со огазеяз кадь Поздеевлэсь но Загребинлэсь учкисьсэ, валэктӥз солы: тужгес кулэез – удмурт. Но кызьы сое возьматоно – аслад ужед.

Фотоын - Sveta Indielover, офигенной телка Шарканысь.

Пронинъёс: кулэ openmind! #dart

2011-09-21T06:40:00.001-07:00

Пронин вынъёс:

Кулэ openmind!

Тодматскон сэрегын – кык Пронин вынъёс. «Удмуртлык» огинэн соос Интернет пыр тодматскизы. Удмурт шаерлэсь палэнын уло ке но, тунсыкъясько вань выленыз, Ижысь егитъёслэн ужъёсазы пырисько. Вордӥськемын Бавлы ёросысь Урсы (Покровский-Урустамак) гуртын.

Виталий Пронин Казаньын улэ. Ивортодэт технологиосъя удысын тырше. Алигес басьтӥськиз «Яратон» тодматскон сайт усьтон борды.

Вордӥськи удмурт семьяын. Удмурт выжыосы монэ кемалась сюлмаськыто. 2008-тӥ арын «Удмуртлык» интернет-огинэз шедьтӥ. Поздеев, Романов, Шкляев, Зангарик, Михайлов, Ручкина – мон тодӥсько вал ни, кинэн тодматскеме потэ. Шумпотымон, вань ке сыӵе адямиос, кудъёсызлы удмуртэз вылэ «сяламон» ӧвӧл. Азьланяз мылкыд карисько ӵош ужаны, «Шулдыр ӝыт»-эз яке «Узы-боры» киноез Бавлые вайыса. Азьвыл диджей луыса ужаме вань. Туала удмурт крезьгурез 3 пӧртэмлы люкыны луэ:

1) андеграунд – со мон понна Garuda группа (удмурт фолк-металл);

2) мейнстрим – Amiso Wott, Silent Woo Goore – тросэзлы удмуртъёслы матын ини;

3) попса, примитиве выжись гуръёс – Загребин но со выллем.

Али трос тунсыко крезьгур. Паймытэ соиз, «ыль» продуктэз калык дорозь вуттыны дыртӥськом шуыса, ум возьдаськиське, уродос ке. AW – тунсыко, конечно, нош ӟечлыкез… Ӧвӧл асьмелэн openmind – усьтэм инвисъёсмы, дунне шоры паськыт учкон. Со понна пӧртэм крезьгур кылзоно, киноос учконо, книга лыдӟоно. Шуом, Look at me выллем вотэсбамъёсты учкылыса потано. Дуннеын популярноесь минимал, дабстэп – малы ӧвӧл удмурт ремиксъёс? Одӥг пол кемаласьгес ни клубын техно-трек шудыны пуктыны шедьтӥ: со понна дискотекаын шорам пияла салё вал ини… Собере техно-электролы мода вуиз, со мейнстрим луиз.
Удмурт тусовка али возиське коня ке адями вылын. Дасо пала мурт, ог-огзэс тодисьёс, одиг ужен вырисьёс. Мукетъёсыз соосъя карисько. Кин ке актив полы пыре, кин ке – пассив, дасез вылын улэ.

Вячеслав Пронин ужа но улэ Ульяновскын. Инженер-конструктор, аслобетъёсты лэсьтись.
Буди, школаын дышетски Бугульмаын. Удмуртъёсын тунсыкъяськыны кутски 3 ар талэсь азьло. Удмурт кырзанъёсты утчай: Малпан, SWG... Youtube-ысь удмурт клипъёсты учки. Южтолэзе ветлӥм Ижкаре, нырысьсэ вуылим удмурт дискотекае. Талэсь азьвыл удмуртъёс мон понна гуртэн гинэ герӟаськемын вал. Кытысь соосты пумиталод на? Татын паймоно кадь – удмуртъёс городын.

Оскиськом, пиос азьланяз но Удмуртиысь удмуртъёсын кусып возёзы, тунсыкъяськозы ужрадъёсынымы, юрттозы трос выльзэ но кулэзэ пыӵатыны улонамы!

В. Ядыкин: Дауншифтинг удмурт сямен #dart

2011-09-21T06:30:00.000-07:00

Дауншифтинг удмурт сямен

Дауншифтинг (англ. downshifting, машиналэсь жоглыксэ лябзытон яке малэн ке калленамез) – улон шоры учкон, кудиз ке воштэ трос коньдонъем ужез но стрессъёсты огшоры, огсыр бызись улонлы. Адями карьера но азинскон сярысь уг малпа ни, ачиз понна, семьяез понна улэ. Сыче дыръя чемысь бадзым городъёсысь гуртэ яке калыктэм шормуче кошкыло.

Валера Ядыкин, Ижысь одигез сиськонни удысысь усто онерчи, тунсыко но аспортэм адями. Со тодэ, кызьы усьтоно но будэтоно умой кафеез яке ресторанэз. Со тунсыкъяське удмуртъёсын. Со ачиз овол удмурт. Соин ик вераськоно кариським – провинциын ужан амалъёс сярысь, удмуртъёс сярысь но дунне шоры учкемез сярысь.

Кошкод ке, кошкы

- Мон пегзи Мускоысь, угось акыльтиз мыным костюмъёс но галстукъёс нуллыны, - вера Валера, гырпумозяз васькись чибориё татуировкаоссэ син шоры поттыса. – Жади калыклэсь, котькытчы кошкыны дась вал ини. Бампоетъёс тыроно, котькинъя тупатсконо…

Вить ар куспын татын выжыяськи ни. Анлыосы быгыльскизы, йырси буелэ но чыжектиз – горд луи (серекъя).

11 ар дышетски институтъёсын. Мынам вань апае, со мынэсьтым 10 минутлы арлыдогес: вань визь солы кошкиз, нош чеберлык – мыным. Ог ёзъёсы будэмын угось «кулэ басьтыны выли образование» валатонъя. Нуназе мон дышетски, нош уйин ужай. Нырысь МТУСИ-е (Московский техн. Университет связи и информатики) пыри, угось дорлы тужгес но матын вал. Собере профилья мыни – Мускоысь ужбергатонъя академие, но ёзэтме ворсазы. Технологической академие выжи: сур позьтон, вина, нянь удысъёсты бырйыны луысал, нош мон малы ке предприятилэн менеджементаз кариськи. Быдти. Куке диплом басьти, одигаз дуно казиноын ужай, ресторанын кивалти ини.

Жадиське адямиослэсь, шулдыръяськонъёслэсь… Туж трос матын ворекъясь сьолык, портэм пумо гочанъёс. Мон соку куинь поллы тросгес уксё басьтисько вал – ваньзэ быдтыли дунозэ, ческытсэ-чеберзэ кабыны. Мон пожарник кадь шонер верась. Кышноеным люкиськи, квартираез солы кельти, пыдвылъёсты-улштанёсты но гожъяськон блокнотме сумкаям донги но кошки. «Ижевске мынод-а?» - юазы уж дэмласьёс. «Нош кытын со?» - юай мон. Мускоысь эшъёсылы собере гожъяй: «Райын кадь улисько: трамвай – 7 манет, сур – 12 манет, уждун – 60 сюрс».

Сямы мынам лякыт овол: кечтакалэн араз вордскемын. Дышем амалъя уж дурысьтым осэз шуккыса кошки. Ужан инты 50%-лы коньдон шумпотон вайны кулэ, нош 50%-лы – лул шумпотон. Уждунэ оз быгаты тырмытыны кивалтисен урод кусыпъёсты, со адями визьмо ой вал. Нялтас вераса, мон кошки но, сое но уллязы…

Ижысь плюсъёс

Ижкарлэн вань аслаз палъёсыз.

1. Компактолык

Мускоын мон ужъёсме арня куспын лэсьтисько вал ке, татын - нуназеозь. Султисько 7:20 часэ, арнянуналэ кык часлы бергес. Компакто луон шодиське калыкен кусыпъёсын но: кулэ луись адямиос полысь кыксэ тодиськод ке, ваньмынызы тодмо кадь. Куинь муртэз тодиськод ке, быдэс карез тодиськод.

2. Туж тросэз таланто но тунсыко адямиос Ижкарысь кошкыло.

Озьы кылдэ вакуум но конкуренцилэн лябземез. Котькуд арня мыным жингырто, кинэ ке визьманы куро, кенеш сётыны косо, проект гожтыны дэмлало. Вазисько Глазовысь, Можгалась, Нефтекамскысь. Кинлэн ке бизнес усьтэмез потэ: вань уксёез, интыез, мылкыдыз. Валэктиськод солы, коня кужым но дыр кулэ – чемысь малпанзылэсь куштисько. Ижын мынам проектъёсыя 4 инты усьтэмын.

3. Ижкар котьку чырмыт луыны дышетэ.

Та городын гыньыл-ганьыл, гань-гань луыны уг луы. Маид ке пормостэм ке, ваньзы тодозы. Сак луоно!

Умой адямиослы юрттоно

Мар со мон понна, бар яке ресторан усьтыны? Мон адямиослы юрттисько. Валтисез – уже зымыны, кылемез тодмо луоз. Пичи тау карон понна, дунтэк но юрттыны дась. Мон зеч адями ук. Зеч адямиослы юрттисько. Оскисько, соос но мыным юрттыны дась луозы шуыса. Огласянь, та адямиосты портонлы укша, нош мукет ласянь, мон но соос понна маке лэсьтыны дась ук. Питерысь Аня суредаськись али «Давай-давай» бармы понна кенер суреда, со 100 кв. метр. Нош ми солы реклама лэсьтиськом, соин калыкез тодматиськом.

Удмуртия – со Лапландия

Мон Ижкар сярысь куддыр тросгес тодисько, татысь калыкен чошатыса. Кин со сыче Бодалев, Королев…

- Короленко, шуэмед потэ вал?

- Ах, бен. Ну, кудиз удмуртъёс понна дурбасьтиз.

- Удмуртъёс сярысь ке. Вуэмед бере соку ик од вала, дыр, татын удмуртъёс но уло шуыса?

- Мон али «Почетной удмуртлэсь», Артемий Троицкийлэсь интервьюзэ лыдзи но, мынам сыче ик шодонъёсы. Удмурт шаер – со кыче ке но Лапландия. Мускоысь тодмоосы урод суредало: пурысь кар, заводъёс. Мон портэмлыкъёсты шоди огъя транспортын ветлыны кутскеме бере. Зэмзэ вераса, пыдын ветлыны яратисько. Егит дыръям зол спортэн эшъяськи: альпинизм, гурезь но шур туризм, куасъёс, вольной борьба. Хибиныын вал, Тянь-Шаньын, Подмосковьеысь карьеръёсти тубай, Селигерын, Псков палась нюлэсъёсты мертай… Кунгож сьорын огпол гинэ вал: Египетын, кышноелэн куремезъя. Мон кунгож сьоры уг потаськы. Уг кельшы.

Удмуртъёс полын асме шоди кыче ке дауншифтер выллем. Гоа штатын кадь. Мукет сямен улыны кутски, троссэ выль сямен валай. Улыны луэ «оргиостэк» но. Пичи дыръя кадь тунсыко луиз: нюлэскы потыны, чорыганы… Эшъёсы пойшуракузы ыбем дукъяосын ушъясько – нош мон кызьпугубиосме возьматисько. Лэсьтыны кутски трубкаос, пуртъёс. Басьтисько клинок, возёнзэ ачим лэсьтисько. Котькуд калыклэн аслаз пуртэз вань: финъёслэн – финка, удмуртъёслэсь ой на шедьты, утчасько.

Автобус дугдылонниосын нырысь пелез вандэ вал: дак, чо, однёрка. Бордам вераськон манеръёс лякисько уго. Куке Ростовын ужай, вераськыны кутски, отысь калык сямен.

- Тон эшшо форумъёсын тодмо адями…

- Огласянь мон яратисько сереме поттыны. Лыктэм, пе, удмуртъёс доры бадзым зуч агай, ваем тодьы нянь, гожъяськет но дышетэм синзэс миськыны. Мыным зырдыт националистъёс уг кельшо: адями номыр но оз на лэсьты, номыр но уг быгаты, нош йыраз кыче ке малпан коказ – Мултан уж сярысь но уг тоды, вылды. Куке мон вераськисько тунсыко удмуртъёсын, мылкыды ик пуксе: куддыр ас сяменызы ботьырто, нош мон уг валаськы. Соку ик малпанъёсам кылдэ кыче ке креатив а-ля «Макмыр Monday party». Ми кусып возиськом адямиосын – быдэс калыкен ум.

Уг кельшы мыным сыче сям – «асфальтэн огкадь луыны тыршон». Котькытын пурысь биомасса. Адзиськод тани тодмодэ – со тонэ тодмаз, нош синзэ берыктэ, ой, пе, адзы. Тодмаськод ке, зечбуръяськоно! Шыр кадь ватсконо овол.

Ижын мон кыльысал. Перспективаос вань. Москваын мон ой быгатысал депутатэн сур юыны яке троллейбусын министрен мыныны. Вань на кадь мерлык висъяськон, нош огъя ваньмы одиг пуртыын позиськом. Туннэ нуналлы мон асме умой шодисько. Кошкысал ке – Лапландие гинэ.

Турслет: Пож вуэн чай - супер! #dart

2011-09-21T06:18:00.000-07:00

Турслет: 5-ти инты!

17-18-ти куарусёнэ УдГУ-ын дышетскисьёс Русский Вожой гурт возын радъям турслётэ потазы. Удмурт кылосбур факультетысь егитъёс 25 мурт пала люкаськизы. «Пальцем в небо» нимо огинзы 5-ти интые потиз.

Иванов Дима, 1-ти курс:

- Турслётэ лыктэмъёс понна парапланэн лобаны луонлык вал. Мыни омырын лобась шар пала - отысен ог 200 метр бусыети ортчоно на вал. Мон лыкти нырысетиез. Кызьы валай, университетмылы юрттиз шаерысьтымы авиаци клуб. Валэктизы, кызьы-мар карыны. Туж кельшиз.

Кондратьева Лилия, 4-ти курс:

- Турслётын мон нырысьсэ, жалясько, азьвыл ой ветлы шуыса. Таче атмосфера мыным матын: мон кык пол потамын 10 нуналъем палатка лагерьёсы. Шаертодосъя экспедициос Дэбесын но Уваын вал, собере эскерон уж гожтим.

Ефремова Надя, 2008-ти арын быдтэмын:

- Вуи турслётэ, малы ке шуоно та малпанэ дышетскон вакытам оз быдэсмы. Туж потиз инкуазе мынэм – город улонлэсь контрастсэ шодыны. Мон понна турслёт – со чошатскон овол. Шодыны-валаны туртти, малы калык лыктэмын. Студент романтика – гитараосын но пож вуысь чаен? Маар ке понна та турслёт 11 ар радъяське ини!

Матвеева Маша, 3-ти курс:

- Командаын мон нырысети арзэ. Бызьылыны жадисько. Кылем арын лопкытъясьёс-пораськисьёс полын юрттиськи. Туэ тросэзлы командалэсь дышисько ни. Кышкасько вал параллельной гозыосын этапез ортчыны. Пормиз, лэся.

Берло аръёсы ФУдФ ассэ умой возьматъя. Турслёт умой возьматэ студентлэсь чидась но кужмо луэмзэ: угось татын кысись тылскем возын кынмыны дыр овол: я пу корано, я чай позьтоно, я тусьты-пуньы миськоно – со вакытэ ик мыло-кыдо шулдыръяськоно.

Трос аръёс чоже студентъёсын ужаз Любовь Геннадьевна Розенфельд. Таиз арысен внеучебной ужен выре Евгения Сундукова. Студентъёс солэсь юалляськизы: «Евгения Александровна, малы-о ти ялан пальпотиськоды?» Со шуиз: «Эшъёс, мон берен дышетскон дырам берытски кадь!»

Заебошила лук!

2011-09-15T04:44:00.000-07:00

Фото - Макс Неизвестных, 2009 г. (Гужем, МГУ, генетикъёслэн фуршетсы дыръя)

Яратӥсько мон сое!

2011-09-13T07:58:00.000-07:00

cut copy cut copy cut copy cut copy cut copy cut copy cut copy cut copy cut copy cut copy cut copy cut copy cut copy cut copy cut copy cut copy cut copy cut copy cut copy cut copy cut copy cut copy

♪ The Miracles Club - Light of Love (Cut Copy Re-Vision)

Мон шораз учкысал часъёсын :)

Удмурт калык дабстэп

2011-09-08T05:07:00.000-07:00

Maлпан feat. Skrillex

Удмурт калык дабстэп

Ӝуткам дэремме дӥсяса, ураме пото али.

Мылмы-кыдмы медаз пуксьы, шудом-серектом али.

Мылмы-кыдмы медаз пуксьы (2 раза), шудом-серектом али.

Ӵукна ӵук султӥ, азбаре потӥ,

Уӵыпилэсь куаразэ кылӥ.

Ӵукна ӵук султӥ, азбаре потӥ,

Уӵыпилэсь куаразэ кылӥ.

Чибориё-чибориё

Сьӧд кашамер кышетэ.

Сьӧд синкаӵо, ӵыжыт бамо

Яратылон туганэ.

Woooobbbbbbb woooobbbb woobbb buueee
Woooobbbbbbb woooobbbb woobbb buueee

Вал нуисько, вал ваисько, серметэ ке но ӧвӧл.

Ӝытъёсы клубе потасько, туганэ ке но ӧвӧл.

Ӝытъёсы клубе потасько (2 раза), туганэ ке но ӧвӧл.

Не меми мынам, не буби мынам,

Шудтэм семья пӧлын вордэмын.

Не меми мынам, не буби мынам,

Нокин но жалясез ӧвӧл.

Чибориё-чибориё

Сьӧд кашамер кышетэ.

Сьӧд синкаӵо, ӵыжыт бамо

Яратылон туганэ.

Woooobbbbbbb woooobbbb woobbb buueee
Woooobbbbbbb woooobbbb woobbb buueee

Мон татысь ӧвӧл, мон туж кыдёкысь,

Нокин но жалясез ӧвӧл…

3 foto for demotivation

2011-09-07T04:15:00.000-07:00

Удмурт лукбук. Денис Тубылов!

2011-09-02T04:26:00.000-07:00

Нош ик подрубрика: любовь к детям :)
Денис Тубылов, 56-тӥ гимназиын дышетскись. Нырысьсэ адӟи "Узы-боры" киноез возьматыкумы. Апае тодматӥз :)

Ну вералэ ук, мусо? :)

Шулдыр ӝыт: Яратэ, яратэ, яратэ. Удмурт гимн

2011-09-02T04:17:00.000-07:00

Шулдыр ӝыт: Яратэ, яратэ, яратэ. Удмурт гимн: Яратэ, яратэ Кылъёсыз В.Котковлэн Крезьгурез А. Корепановалэн. "Яратэ, яратэ, яратэ Шундыез, лыз инмез, музъемез. Аратэ, аратэ, аратэ..."

Вот ужасько мон али, гожъясько тае - но малпасько: "Умой кырӟан ук. Сюлэмез вырӟытэ". Кыӵе ке секыт луиз: бӧрдыса ик поттысал кадь... Пичи дыр тодэ лыктэ, удмурт улон, 90-тӥ аръёс...
Нош собере Яндекс сётэ: "Удмурт кенешлэн" гимнэз, пе, та. И сыӵе кӧт ӝож луэ кырӟан понна.

Кырӟан зэмос, нош зэмлык ӧжыт та улонын.

Ворончихин the best

2011-08-31T08:37:00.000-07:00

Мusic: Михаил Ворончихин – Кырӟан жингыртэ, сюлэм бурдъяське… (Диск, Ижтрейдингысь в порыве патриотизма басьтэм маке, 100 манет)

Усьы-усьы, тӧдь лымы пӧръясь шуд…

Ненег меланхолиын пукисько – ньыж-няж кырӟан улсы. Пыды висе. Али 20 минутлэсь ӧжыт ӧй быдты уго дугдылонниозь гинэ васькыны. Кыӵе ке джипысь потэм нылок – плюшевой спорт дӥсен – юаны но вуттӥз: «Девушка, вам плохо?». А мон бордюрчик вылын пукисько, пыд уг мыны. Вахтерша но шокын.

«Тон шедьтод-а?» - укмыстонэтӥ аръёслэн кутсконысьтызы хит. Нош толон барын одӥг диджей Перьмысь пуктӥз та выллем кырӟанэз – но шуиз, та – пичи дырысьтым чикаго хаус.

Мон нокинлы ӧй синмаськы толон. Севидов вал жадемын, жум тус.

(И сыӵе мынам уг поты валэктэме, кин со Севидов – тодысалды ке тӥ… Малы мон котьку валэкъяны кулэ ас гожъямъёсме? Кыӵе мон жади ни, ёшкин кот).

Кумнетӥ кырӟан малы ке нуйтэ. Малпан кылдэ, со кассетаысь выльысен гожтэмъёс. «Эх, арганэ, юртты мыным мылкыдъёсме вераны…» Эх, Кылдысин, юртты мыным, юртты мыным, Кылдысин.

Висьыны прикольно овӧл. Пойду утоплюсь. Кызьы кырӟа Тюрагай группа. Ладно, пожалуй лэсьтоно ни со Тюрагай радио подкастэз, а то возьыт.

(20 августа)

Дарали vs. Шуӟи Былондинка!

2011-08-30T05:00:00.000-07:00

Алигес луиз монэн Барын презабава.
Мынӥ, понимаешь, на волне позитива, португал пукон ӝытмы бере, мусо Надиеным, Чупиеным, Светӥеным баре, эшъёсме эктытыны. Абсолютно яратоно женщинаосы, удмурт андеграундлэн мудоръёсыз - а собере Tip Top Tellix группаен вераськон, пӧртмано-питерской Даша Малыгина...

...и тут нате - гопницаен керетон! Алма уйвӧт, практически.
Потӥ гинэ мон бехеровкаен коктейленым гримеркаысь, вуи баре - адӟи кыӵе странь нылокъёсты: нарощенные ногти-волосы-глаза.Мон мынко, калык пӧлын - ну и мед, всякоез адями вань, зырӟи сое, лэся - как донгиз ук монэ гырпумыныз. Падла! Усисько ни вал. И учке шорам: будто-ке мон берпуметӥ сорт, нош со "сладкая няшка, королева жизни".
Татын мынам луиз пуш протест.

Кин со сыӵе, гопота? Мар со каре яратоно барам? Вот ноку но уг керетӥськы сыӵе макеосын, но таиз вал принциплы луыса. Ну и борошкола-бехеровка. Мынӥ азьлань, нокыӵе кариськытэк, калык вискы чуртнаськыса, но берытскыса каааааааааааак палькки ук коктейльме со лохундралэн вылизанной мугоркаяз - но срочно ретировачки. Зэмзэ вераса со озьыгес вал, востэм амалэн: калык пушкы выйи, калык тыбыр сьӧрысь ик палькки.
Востэм ке но, действенно. Кӧня ке минут ортчыса, со шуӟи блондоморда монэ кырме но практически йырме ишкалтыны турттэ - но срочно лыктэ охрана но уте монэ.
Мон уг тодӥськы ни чик, кызьы быриз та учыр. Мыным вал ганяк... Нош толон баре пырисько но Рэм серекъяса маде:
"Ну тон Дарали! Кыкетӥ арнязэ таблоидъёсысь уд потаськы. Скандалистка. Гопницаосын керетӥд!"
Мон нырысь ӧй оскы, нош со собере мадиз: гопницаез, пе, охрана пезьдытӥз. Баре, пе, ноку но уд ни пыралэ, шуиз Ашихмина, но ӵыжытӥз соосты кыре.
Эх, крыша... Приятно. Умой, куке интыед тонэ уте.
Вот озьы! Дарали пумит шуӟи блондинкаослы! Туе мыкет интыын.

П. С. Наташа Ашихмина, Welcome group компанилэн креативной директорез, нялтас вераса, сьӧд-сьӧд брюнетка. ,)

Удмурт лукбук-люкс. Даша Рыболовлева

2011-08-30T02:16:00.000-07:00

Та нылаш, Даша Рыболовлева, удмурт вылэм. Урасинова Олилэн троюродной сузэрез. Азьвыл кырӟа вал Radio Aerobika проектын (Поздеев али но вӧта, соос удмурт сямен кырӟалозы шуыса). Али вылэ аслаз сольной кырӟан удысэныз. Скрипкан шудэ. Муз-ТВ кастинге пыриськиз. Чебер. Туала.

Beach Boys — California dreamin' удмурт сямен

2011-08-25T13:47:00.000-07:00

Константин Влaдимирович куремъя берыкти удмурт кылэ.

Beach Boys — California dreamin'

Калифорния дыр

Ӵужектэм куаръес,

Пурысьтам инбам.

Толалтэ нунал

Мон поръяй огнам.

Нош Лос-Анджелес

Туж шуныт, вылды.

Весь тодам улэ

Калифорния дыр.

Мон пыри черке,

Ӟус кузя ортчи.

Пыдесъяськыса,

Вӧсяськемъяськи.

Тылъесты каллен

Ӝуатэ баӵко.

Мон кыле шуыса,

Уг тоды на со.

Нош тани со пияш. Шат луэ солы шуыны: уг берыкты?

P. S. Костя, прости ))

Лукбук № X. Няшной горданьёс!

2011-08-25T10:49:00.000-07:00

Мынам френд-лентаям трос-трос эшъёсы вань, кинэз но ӧвӧл отын. Шедьтӥ туж сымпатичной кык горданьёсты. Огез коть и буямын, но туж тунсыко типаж, шӧдске. Мукетыз чисто няшка.

1. Света Зубкова. Можгалась.

2. Аня Кадрова. Иж-Кизнер.

Американ сериалысь кадь, оветь?
Ӝоген соос но удмурт сериалын мед шудозы вылэм.

Эшшо юан: вералэ вал, кин со Зарезынный Одуваан? :)

Кыскиз перчаткиоссэ...

2011-08-25T10:24:00.000-07:00

Пыртӥсько вуж кылбёръёсме. Ноутбукме "лушкай" уж дурысьтым, нош табере тыш сиисько со понна. Мар но уд кары вылэм выль ноутбук утон понна! :) ("Зарни вотэс" конкурс сярысь мон озьы).
Нош серекъянэз палэнтоно ке, кӧня ке ностальжи мылкыд ворме. Озьыен, Вордӥськем нуналам лыдӟем кылбуръёсы пӧлысь кӧняез ке...

***
Кыскиз перчаткиоссэ,
Тубат кузя
Ӝутскиз каллен гинэ,
Пыриз дораз.
Кылиз ачиз коже,
Каллен лулӟиз.
Сорокинэз кияз кутӥз,
Сялӟиз.
Захаровез ӵыжиз
Кырсь тапкиен.
Мынӥз кухня пала.
Мынекъяса аслыз ачиз,
Шунтӥз шыд лым.
Пирсэкъяса пырдӥз
Бульон луо,
Улон кадь шӧг
Шыдэз сылалтыса…
Мукетъёсыз, малпаз, уло,
Нош мон – ӧй на.

***
Интеллигентной ымнырын,
Гольтрес тӧдьы бабляосын
Соос шорад кескич учко…
Закод пыдсысь кадь верасько.

«Мон малпасько, что удмуртъёс
Кулэ люкаськыны, эшъёс!»
(Кулэ со однӧ огазе
Проваличкын закод пасе).

Ымъёс, ымдур буян гыркъёс,
«Эшъёс, ойдолэ, асмеос»…
Кӧня уно мӧзмыт кылъёс,
Кӧня мӧзмем но буш синъёс!

Вӧё мыйык, чилясь парик
Ӵошен дэмен куро эрик.
Кулэ нош визнанэн курик:
Закод пасьысь
Потон вылысь.

***
Мон уг яратӥськы, куке
Нокинэн лабыртыны чылкыт удмурт кылын.
Мон уг яратӥськы, куке
Нокинлы йыбырттыны удмурт нимын-тулын.

Нокыӵе банкир-нюрпапа
Тон шоры синзэ но уг мерта.
Шуиськод, пе, солы, дырпа,
Нош со сётэ сю евро.
Кыӵе тон визьмо, уроме,
Данъяськыса шуэ со.
Сыӵе вераське, юромо,
Юалляськемъяське со.
Коньдонзэ жильдэ жалятэк,
Удмурт кыл солы – хобби.
Кылсярысь, со удмурт магнат,
Нош дырпа кылэз уг тоды.

Малы будэтӥды монэ
Огнаме вераськыны удмурт кылын?
Кинэн-о вераськом та дунне вылын?

***
Туж нежно улыбнувшись,
Монэ тон кунултӥд.
Дэмлад юыны виски,
Собере шуак вазид:
- Кызьы малпаськоды тӥ,
Борисов-а Трокай
Тросгес лэсьтӥз для правды
Я всё же Кузебай?
Мон отвечаю томнӧ
- Берло удмурт блогын
Благинина я Пушина
Маке гожтӥз, вылды.
Собре ми перешли бы
Удмурт шрифтъёс вылэ.
Тон шуысал: верлибр
Арысь аре йылэ.
Конгресс дыръя кин ке но
Маке визьмо верам…

Йырын маке арам луэ:
Куддыр кылбур но – спам.

***
Акыльтӥз лӧптылӥсь кылбуред,
Акыльтӥз суро-пожо чуред,
Аляк лулчеберет-винегрет,
Чаляк лулчеберет.

Акыльтӥз акылес юондыр,
Юмшан дыр, Вожодыр но Гербер.
Акыльтӥз Окитэк улыны,
Бырйытэк бырйыны.

Акыльтӥз валантэм акыльтон,
Шуо-шоу, супыльтон но зулён.
Акыльтӥз улытэк алыны,
Алитэк улыны.

Алиез но ултӥяны
Акыльтӥз…

сизьыл 2010

Фото: Кристина Вышку. Модель Марина Булдакова ("Удмурт урам" сериалысь).

Удмурт кылын - MGMT!

2011-08-09T04:53:00.000-07:00

Ееееп) Тани удмурт кылын MGMT, соослэн Kids калык кырӟанзы (кылыны луэ "Липтон" чай рекламаын! уупс. липтон. саша_липтон. жж. хммм... а ваньмыз юнме гинэ уг тупа!). Удмурт кылэ берыктӥ.

1.

Тон но будӥд,

Пыдес вылад ветлӥд маскара.

Анаед данъяськиз,

Бӧрдылӥд но шара.

Шумпотыса учким лӧптэмдэ.

Бӧчыосын шудэмдэ,

Вуонозэ малпатэк.

Припев:

Чакла астэ!

Тон басьты улонысь кулэзэ.

Семья выжы дано медло,

Тонэн медло.

Чакла астэ!

Тон басьты улонысь кулэзэ.

Семья выжы дано медло,

Тонэн медло.

Ву вал шуныт,

Нош мон юнме гинэ дырекъяй.

Пинал вордскыкуз

Кесяське юромо.

Memories fade,

Like looking through a fogged mirror

Decisions to decisions

Are made and not

But I thought,

this wouldn't hurt a lot.

I guess not.

Грамматикс:

c' – щ, например Кесяське-кещящке

ӥ - твердая, будӥд – буд’ид

ӧ - между о и э

"Кенеш" журнал. 7/2011

2011-08-05T04:03:00.000-07:00

Малпай быгатэмея рецензиос гожъяны.
"Кенеш" журналлэн выль номерез вуиз.

Вылбамын - Екатерина Семёновна Лекомцева, "Кез ёросысь крестьян-феремр возёсэн кивалтӥсь".
2-тӥ бам - Писатель Михаил Иванов.

Журнал усьтӥське Елена Панфилова (Миннигараева) кылбурчилэн сузьетэныз. Вера Пантелеева, уг ке янгышаськы, та поэтессалэсь чуръёссэ пиосмуртлыко нимаз. Мон понна, та удмурт стеротип. Валамон, удмурт нылкышно поэзия - огъя либыт, яратон темаосын герӟамын, лул-пуш дуннеез усьтэ, философия но дунне инсьӧре уггес чуртнаськы. Кышномуртъёс, зэм но, дуннеез тодэмъяськись макеос ӧвӧл - соос лулзэс копало. Панфиловалэн огез кылубрез сӥземын Кылбурлы, мукетыз Вакытлы, огез Чеберез лёгамлы но Дышетэмлы, кыкез Тубонлы, огез Кулонлы, огез Яратонлы... 3-9 бамъёсын. Ваньмыз та кӧс математика. Бен, Панфилова трос малпаське улон рад сярысь, но яратон сярысь но кылбурез ӧжыт ӧвӧл. Туала нылкышно поэзия - тани со. Мыным потӥз, зэм но, визь пыр поттэм кылбурет. Но, таӵеез луыны кулэ. Асьмелэн вань Орехова но Муш Нади, но Вань Панфилова но Рябинина.

Растем Заппаров. Ӵушкам лулъёс. Кузьмадёс. 10-32 бам.
Фото - Александр Горбунов.
Виталий Морозов, Дэри ёросысь кылбурчи. 34-39 бам.
Георгий Грязев. Кавказысь Ташбака вырйылын. Очерк. 40-49.
Ульфат Бадретдинов. Сапег. Верос. 51-56.

Фу, утомительной маке. Кинлы кулэ та сӥть? ))

Гужем малпанъёс

2011-07-25T06:53:00.000-07:00

Музыка: Ifwe - Moe poberezhie

Котыр ваньмыз урод, но мыным умой.
Мон уг бӧрды, ӧз ке пӧрме ужъёс. Бӧрдоно, ӧвӧл ке оскон.
Нош осконэ улэп ай!
Со кызьы ке валлян-а мар-а выльысь улӟиз, куке мон Гельманлэсь кӧй пальпотэмезлэсь пегӟи, кыӵе ке палатка улын пуки, вераськи мыйыко Серджио Манифестоен, собере отчаянно ветлӥ асме шедьтытэк - сюриз Валера - нош мон быдтӥ мылкыдзэ. И уг поты вал нокинэн вераськем, нокыӵе Нойз МС кулэ ӧвӧл. Правильно, малы со кулэ, со тынад дась ке, ки вылын?
Кыӵе секыт нунал... Нунал, вашкала синтетика дэрем кадь кекатэ, пӧсь, стрелки + слезы...
Тон мынӥськод валатэк, малы со тыныд, малы со ваньмыз - и кызьы тон отчы? Тон отын мар кариськод?
Мон ӧй вал, дыр, нуись, малы ке шуоно, уг тупаськы мон сыӵеослы. Хотя со понна сыӵе дэрем... Фу, кыӵе ӧскемпотымон ваньмыз!
Лыдӟеме уг поты зын супыльтонъёсты. Мынам дорам вить коӵышпие сыӵе сӥть зын уг каро, "Шуо-шоу" кадь. Но мыным нокыӵе но ӧвӧл... Жалясько гинэ, умой иворъёс шер вуо.
Кино уз луы. Мыным жаль, конечно. Нош мукет ласянь, чик но жаль ӧвӧл. Асме жаль. Асме жаляно ни кӧня ке но, шутэтсконо кин ке понна ужамлэсь.
Кино луоз вуоно гужем. Доминикез мукет киное операторен ӧтё.

Мыно кытчы ке но мукет ужен выро.